पुणे : मित्रांना किंवा मैत्रिणींना इंप्रेस करण्यासाठी कोण काय करेल याचा काही नेम नाही. अशीच एक घटना औंध परिसरातून समोर आली आहे. चक्क मित्र मैत्रिणींना इंप्रेस करण्यासाठी एक तरुण पोलिसांचा ड्रेस परिधान करून फिरत होता. मात्र, त्याने अशी एक चूक केली आणि सगळ्या प्लान फसला. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.मिळालेल्या माहितीनुसार, तरुणाने मैत्रिणींना इंप्रेस करण्यासाठी पोलीस होण्याचं नाटक केलं. यावेळी त्याने पोलिसांचे कपडे घातले, टोपी, बॅच सगळं घातलं पण पायात बूट घालण्याचं विसरला. पायात चप्पल घालून फिरत असल्याने पोलिसांनी त्याला पाहिले. पोलिसांना संशय आल्याने त्यांनी चौकशी केली असता सगळं भिंग फुटलं. पोलिसांनी विचारलं असता मी औंध पोलिसांत नेमणुकीस असल्याचं सांगितलं. मात्र, त्याने जो ड्रेस घातला होता त्यावरून त्याचे पितळे उघडे पडले. यानंतर पोलिसांनी त्याला अटक केली आहे.
यशवंत रमेश धुरी ( वय ३०, रा. तापकीर गल्ली, नडे कॉलनी, काळेवाडी) असे अटक करण्यात आलेल्या तरुणाचे नाव आहे. या प्रकरणी पोलीस हवालदार श्रीकांत वाघवले यांनी चतुष्रुंगी पोलिसात फिर्याद दिली आहे. हा प्रकार औंध परिसरात असणार्या राम नदी पुलावर रविवारी घडला आहे.
यशवंत रमेश धुरी ( वय ३०, रा. तापकीर गल्ली, नडे कॉलनी, काळेवाडी) असे अटक करण्यात आलेल्या तरुणाचे नाव आहे. या प्रकरणी पोलीस हवालदार श्रीकांत वाघवले यांनी चतुष्रुंगी पोलिसात फिर्याद दिली आहे. हा प्रकार औंध परिसरात असणार्या राम नदी पुलावर रविवारी घडला आहे.
याबाबत पोलिसांनी दिलेली माहिती अशी की, औंध परिसरात वरिष्ठ पोलीस अधिकारी आणि त्यांचे सहकारी आणि खाजगी वाहने पेट्रोलिंग करत होते. पेट्रोलिंग करत असताना त्यांना राम नदीच्या पुलावर एक पोलीस उभा असल्याचे दिसले. त्यांना तो अनोळखी वाटल्याने त्याला गाडी थांबवून विचारले. त्याने आपण औंध चौकीला पोलीस असल्याचे सांगितले. मात्र, पोलिसांना शंका आली. आपल्याच पोलीस चौकीतला पोलीस आणि आपल्यालाच माहित नाही.
Shocking! अयोध्येत संध्याकाळपासून मंदिर आतून बंद, दरवाजा तोडून आत शिरताच सगळ्यांना फुटला घाम…
पोलिसांनी त्याचे निरीक्षण केले तर त्याच्या अंगावर ड्रेस तर होता, पायात चप्पल होती पण त्याने जो ड्रेस घातला होता त्यावर म.पो. आणि टोपीवर पिंपरी चिंचवड पोलीस असे लिहिलेले आढळले. त्यावरून तो खोटे बोलत असल्याचे त्यांना समजले. त्याची अधिक चौकशी केली असता आपण डिलिव्हरी बॉय म्हणून काम करत असून आपल्या मित्र-मैत्रिणींना इंप्रेस करण्यासाठी हा गणवेश घातल्याची कबुली त्याने पोलिसांना दिली. पोलिसांनी त्याला ताब्यात घेतले असून त्याचा अधिक तपास सुरू असल्याचं सांगण्यात आलं.