छत्रपती संभाजीनगर : महायुती विरुद्ध महाविकास आघाडी अशी थेट लढत असताना वैजापूर बाजार समितीची निवडणूक जिल्ह्यात चर्चेचा विषय ठरली होती. महाविकास आघाडी सोबत भाजपचा एक मोठा गट होता. यामुळे शिंदे गटाचे आमदार प्रा. रमेश बोरनारे यांच्या विरुद्ध सर्व राजकीय पक्ष असे चित्र असताना बाजार समितीच्या दहा जागा जिंकत वैजापूरमध्ये आपणच किंग असल्याचं बोरनारे यांनी दाखवून दिलं. महाविकास आघाडीने ५ जागा जिंकल्या आहेत, तर उर्वरित तीन जागांचा निकाल हाती येणे बाकी आहे.राज्यामध्ये महाविकास आघाडी विरुद्ध भाजप शिंदे यांची महायुती अशी थेट लढत झाली. मात्र छत्रपती संभाजीनगर जिल्ह्यातील वैजापूर तालुका याला अपवाद ठरला. भाजप शिंदे सरकारच्या विरुद्ध महाविकास आघाडी वज्रमूठ आवळत असताना वैजापूर तालुक्यामध्ये मात्र बाजार समितीच्या निवडणुकीच्या निमित्ताने वेगळे चित्र बघायला मिळालं. भाजपचा एक मोठा गट बाजार समितीच्या निवडणुकीत महाविकास आघाडीच्या बाजूने होता.
नगरमध्ये थोरातच जोरात! विखेंचा होमग्राऊण्डवर धुव्वा, उमेदवाराला अवघं एक मत
यामुळे या वैजापूर मतदारसंघात वर्चस्व असलेल्या प्रा. रमेश बोरनारे यांना बाजार समितीती सगळे राजकीय पक्षविरुद्ध रमेश बोरनारे अशी झुंज द्यावी लागली. प्रत्येक राजकीय पक्षाने मोठी ताकद लावली होती. बाजार समितीचं मतदान झालं, आज निकाल जाहीर झाला, या निकालामध्ये भाजप शिंदे गट महायुतीच्या पॅनलमध्ये दहा जणांनी बाजी मारली तर महाविकास आघाडीला पाच जागांवर समाधान मानावे लागले.
एकनाथ खडसेंना मोठा धक्का, भुसावळ बाजार समिती निवडणुकीत भाजप शिवसेनेच्या पॅनलचा विजय
विजय उमेदवारांमध्ये शिंदे गटाचे नेते आमदार बोरनारे यांच्या पॅनलचे काकासाहेब पाटील, कल्याण दागोडे, राम हरी बापू, शिवकन्या पवार, रजनीकांत नजन, गणेश इंगळे, गोरख अहेर, प्रशांत त्रिभुवन, प्रवीण पवार यांचा समावेश आहे तर महविकास आघाडीच्या पॅनल मध्ये अविनाश गलांडे, ज्ञानेश्वर जगताप, प्रशांत सदाफल, संजय निकम, अनिता वाणी यांचा समावेश आहे.
पारनेरमध्ये लंके- औटींचा प्रयोग यशस्वी; सर्व जागा जिंकल्या, खासदार विखेंना अपयश
