डोंबिवली :डोंबिवली जवळच्या कोपर गावामध्ये एका महिलेचा खून झाला होता. दिलेल्या पैशांची मागणी करुनही ती पैसे देत नव्हते. त्यामुळे संतप्त झालेल्या कोपरमधील तरुणाने महिलेच्या घरात जाऊन तारेने गळा आवळून तिचा खून केला. बारा वर्षांपूर्वी घडलेल्या महिलेच्या हत्या प्रकरणातील आरोपीला कल्याण जिल्हा व सत्र न्यायालयाचे न्यायाधीश आर. पी. पांडे यांनी शिक्षा सुनावली. एकाच गुन्ह्यात दहा वर्षांच्या आजन्म कारावासाच्या दोन शिक्षा ठोठावल्या आहेत.या गुन्ह्यात आरोपीला न्यायालयाने एकूण १० हजार रुपयांचा दंड ठोठावला. दंडाची रक्कम आरोपीने न्यायालयात भरणा केली नाही तर त्याला सहा महिने साध्या कारावासाची शिक्षा ठोठावली जाईल. या प्रकरणात सरकार पक्षातर्फे ॲड. योगेंद्र पाटील यांनी कामकाज पाहिले. जन्मठेपेची शिक्षा झालेल्या आरोपीचे नाव संतोष श्रीधर नांबियार (वय ३२ वर्ष, रा. कारवार, जिल्हा- उत्तम कन्नड, कर्नाटक) आहे.
सरकारी वकील ॲड. योगेंद्र पाटील यांनी सरकार पक्षातर्फे काम पाहिले. ॲड. पाटील यांनी सांगितले, की आरोपी संतोष नांबियार हा डोंबिवली जवळच्या कोपर गावात राहत होता. याच भागात रिद्धी सिद्धी कॉम्प्लेक्समध्ये राहत असलेल्या गीता वल्लभ पोकळे (वय ४५ वर्ष) यांच्याकडे तो आपल्याला खूप गरज असल्याचे सांगून पैशांची मागणी करत होता.
सरकारी वकील ॲड. योगेंद्र पाटील यांनी सरकार पक्षातर्फे काम पाहिले. ॲड. पाटील यांनी सांगितले, की आरोपी संतोष नांबियार हा डोंबिवली जवळच्या कोपर गावात राहत होता. याच भागात रिद्धी सिद्धी कॉम्प्लेक्समध्ये राहत असलेल्या गीता वल्लभ पोकळे (वय ४५ वर्ष) यांच्याकडे तो आपल्याला खूप गरज असल्याचे सांगून पैशांची मागणी करत होता.
आपल्याजवळ पैसे नाहीत. त्यामुळे पैसे देऊ शकत नसल्याचे उत्तर गीता पोकळेंनी संतोषला दिले होते. पैसे देत नसल्याचा राग आल्याने मार्च २०११ मध्ये संतोषने गीता पोकळे यांचे घर गाठले. त्या घरात झोपल्या असताना आत शिरुन संतोषने तारेने गळा आवळून त्यांचा खून केला. त्यांच्या गळ्यातील मंगळसूत्र, कपाटातील सोन्याचा ऐवज असा एकूण १ लाख ५४ हजार रुपये किमतीचा ऐवज घेऊन पलायन केले होते. या खून प्रकरणामुळे डोंबिवलीत एकच खळबळ माजली होती.
विम्याचे एक कोटी मिळविण्यासाठी चक्क पत्नीनेच करवून घेतला पतीचा खून
या प्रकरणी विष्णूनगर पोलिस ठाण्यात खुनाचा गुन्हा दाखल करण्यात आला होता. तत्कालीन वरिष्ठ पोलिस निरीक्षक अरूण सोनवणे, पोलिस निरीक्षक आर. एल. कुलकर्णी यांनी या प्रकरणाचा सखोल तपास केला. त्यांना पोलिस निरीक्षक मोहन खंदारे यांनी मार्गदर्शन केले होते. पोलिस ठाणे ते न्यायालयादरम्यान समन्वयाचे आणि सादरकर्ता अधिकारी म्हणून हवालदार के. के. शेख, पी. डी. माने, सानप, महाले यांनी पाहिले होते.
लग्नाआधीचं लफडं, ती पाच लेकरांची आई, तो चार पोरांचा बाप झाला; अखेर तिच्या नवऱ्याला संपवलंच