मुंबईःमुलगा राजस्थानचा, मुलगी मुंबईची… दोघांची इन्स्टाग्रामवर ओळख झाली. हळूहळू मैत्रीचे रुपांतर प्रेमात झाले. एक दिवस मुलाने मुलीला भुलवून भोपाळमध्ये येण्यास भाग पाडले. तिथे पोहोचल्यावर दोघांनी लग्न केले. मात्र, लग्नानंतर तरुणाने तिच्यासोबत केलेले कृत्य पाहून सगळेच हादरले.राजस्थानच्या मुलाने मुंबईतील १७ वर्षांच्या मुलीला प्रेमाच्या जाळ्यात ओढले. दोघांनी भोपाळमध्ये मंदिरात जाऊन लग्न केले. लग्नानंतर तो तिला घेऊन एका हॉटेलमध्ये गेला. तिथे तिन दिवस तिच्यावर सतत अत्याचार केला. इतकंच नव्हे तर, पीडित तरुणीला हॉटेलच्या रुममध्येच लॉक करुन पळून गेला. तिचा मोबाईलदेखील त्यांने लंपास केला. हातात फोन नसल्याने ती यासंदर्भात कोणालाच सांगू शकली नाही. तसंच, ज्याच्यावर विश्वास ठेवला त्यानेच असा विश्वासघात केल्याने ती पुरती कोलमडली होती.

नझीम खान असं या आरोपीचं नाव असून तो २८ वर्षांचा आहे. नझीम पिडीत तरुणीला घेऊन देवळात गेला. ती अल्पवयीन असल्याचे माहित असूनही तिथे त्याने तिच्यासोबत लग्न केलं. त्यानंतर तो तिला घेऊन हॉटेलमध्ये गेला. तिथे तीन दिवस तिच्यावर अत्याचार केला. नंतर तिला हॉटेलच्या रुममध्येच लॉक करन फरार झाला. तसंच, तिच्या वडिलांना धमकी देत सात हजार रुपये ट्रान्सफर करण्यास सांगितले.

मुंबई-पुणे प्रवास सुस्साट; खंडाळा घाटात होतोय भारतातील सर्वात मोठा बोगदा, अंतर कमी होणार
पिडीत महिला मोठ्या प्रयत्नानंतर ती रुममधून बाहेर पडण्यास सफल झाली. हॉटेलमधून बाहेर पडल्यानंतर तिने थेट भोपाळ स्थानक गाठले. मात्र, मुंबईत पोहोचायच्या आधीच एका महिलेने तिला गुजरातमध्ये जाऊन काम करण्यास सुचवले. मात्र, सुदैवाने मुंबई पोलिसांना तिचे लोकेशन मिळाले आणि तातडीने मुंबई पोलिस अहमदाबाद येथे रवाना झाले व तिची सुटका केली.

Mumbai Local Train: मुंबई लोकलचा प्रवास होणार सुस्साट, शिंदे-फडणवीस सरकारचा मोठा निर्णय
दरम्यान, मुलीच्या मदतीने नझीम खानचा मोबाइल नंबर मिळाला. तज्ज्ञांच्या मदतीने आम्ही त्याचा नंबर ट्रेस केला त्यानंतर आम्हाला कळले की खान सातत्याने शहर बदलत होता. तो मुंबईत येईपर्यंत आम्ही वाट पाहत होतो. तो मुंबईत आल्यानंतर आम्ही त्याला वरळीयेथील नेहरु तारांगण परिसरातून अटक केली.

सगळे जखमी अवस्थेत पडले होते; माथेफिरुचा शेजाऱ्यांवर हल्ला, तिघांचा मृत्यू, प्रत्यक्षदर्शीनं सांगितला थरार