मुंबई:अजित पवार यांची नाराजी आणि सर्वोच्च न्यायालयातील निकालाचा काहीही संबंध नाही. सर्वोच्च न्यायालयाने शिंदे गटाच्या १६ आमदारांना अपात्र ठरवले तर भाजप अजित पवार यांना सोबत घेऊन सरकार टिकवेल, या चर्चेत काहीही तथ्य नाही. अजित पवार हे राष्ट्रवादी काँग्रेस पक्षातून बाहेर पडून स्वतंत्रपणे भाजपसोबत आले तर आम्ही त्यांचे स्वागत करु. मात्र, अजित पवार हे राष्ट्रवादीसकट भाजपमध्ये जाणार असल्याच्या चर्चा चुकीच्या आहेत. अजित पवार हे राष्ट्रवादी काँग्रेस पक्ष घेऊन भाजपसोबत आले तर शिवसेना (शिंदे गट) सत्तेत राहणार नाही, असे संजय शिरसाट यांनी म्हटले. ते मंगळवारी मुंबईत प्रसारमाध्यमांशी बोलत होते.
संजय शिरसाट यांच्या या वक्तव्यामुळे अजित पवार आणि भाजप यांच्यातील संभाव्य हातमिळवणीची शिंदे गटाला धास्ती असल्याचे दिसून येत आहे. त्यामुळेच संजय शिरसाट यांनी आपल्या पत्रकार परिषदेत वारंवार सर्वोच्च न्यायालयातील निकालानंतर भाजप शिंदे गटाला सोडून अजित पवार यांच्यासोबत वेगळी राजकीय चूल मांडेल, ही शक्यता फेटाळून लावली. अजित पवार हे पूर्वीपासूनच राष्ट्रवादी काँग्रेसमध्ये नाराज आहेत. पार्थ पवार यांची लोकसभा निवडणुकीत पराभव झाल्यापासून अजित पवार हे पक्षावर नाराज आहेत. आतादेखील महाविकास आघाडीच्या वज्रमूठ मेळाव्यात अजित पवार यांना स्वत:चे स्थान शोधावे लागत आहे.
अजित पवारांना मुख्यमंत्री म्हणून स्वीकारणार का; संजय शिरसाट म्हणाले
संजय शिरसाट यांच्या या वक्तव्यामुळे अजित पवार आणि भाजप यांच्यातील संभाव्य हातमिळवणीची शिंदे गटाला धास्ती असल्याचे दिसून येत आहे. त्यामुळेच संजय शिरसाट यांनी आपल्या पत्रकार परिषदेत वारंवार सर्वोच्च न्यायालयातील निकालानंतर भाजप शिंदे गटाला सोडून अजित पवार यांच्यासोबत वेगळी राजकीय चूल मांडेल, ही शक्यता फेटाळून लावली. अजित पवार हे पूर्वीपासूनच राष्ट्रवादी काँग्रेसमध्ये नाराज आहेत. पार्थ पवार यांची लोकसभा निवडणुकीत पराभव झाल्यापासून अजित पवार हे पक्षावर नाराज आहेत. आतादेखील महाविकास आघाडीच्या वज्रमूठ मेळाव्यात अजित पवार यांना स्वत:चे स्थान शोधावे लागत आहे.
अजित पवार हा थोडाही वेळ फुकट घालवणारा नेता नाही. पण नागपूरच्या सभेत अजित पवार जाऊन नुसतेच चार तास बसून राहिले. त्यांना बोलून दिले जात नाही. ते बोलले असते तर काय बिघडलं असतं? १५ आमदार असलेल्या पक्षाचा नेता या सभेत मुख्य वक्ता होता आणि ५४ आमदार असलेल्या पक्षाच्या नेत्याला स्टेजवर साईड ट्रॅक करण्यात आले. मविआची सत्ता असतानाही मुख्यमंत्री उद्धव ठाकरे हे अजित पवार यांचे फोन उचलायचे नाहीत. त्यांनी ही खंत धनंजय मुंडे यांच्याकडे बोलून दाखवली होती, असा दावा संजय शिरसाट यांनी केला.
महाराष्ट्राच्या राजकारणात भूकंपाचे संकेत, पण शरद पवार मात्र बारामतीत कुस्तीच्या आखाड्यात दंग
अजित पवारांना मुख्यमंत्री म्हणून स्वीकारणार का; संजय शिरसाट म्हणाले
अजित पवार राष्ट्रवादी काँग्रेस पक्ष घेऊन भाजपसोबत आले तर ते शिंदे गटाला (शिवसेना) मान्य असेल का, असा प्रश्न संजय शिरसाट यांना विचारण्यात आला. त्यावर संजय शिरसाट यांनी वारंवार अजित पवार हे राष्ट्रवादी सोडून स्वतंत्रपणे आमच्यासोबत आले तर त्यांचे स्वागत आहे, हे सांगण्याचा प्रयत्न केला. अजित पवारांनी राष्ट्रवादी सोडली तर आम्ही त्यांचे स्वागत करु. पण ते राष्ट्रवादीसकट भाजपमध्ये जाणार हा चुकीचा अंदाज आहे. तसं झालंच तर आम्ही सत्तेत राहणार नाही. अजित पवार यांना मुख्यमंत्री म्हणून शिंदे गट स्वीकारणार का, असा प्रश्नही शिरसाट यांनी विचारण्यात आला. त्यावर अजित पवार मुख्यमंत्री होतील, ही भावना राष्ट्रवादीच्या कार्यकर्त्यांनी व्यक्त केल्याचे शिरसाटांनी सांगितले. संजय राऊत हेदेखील उद्धव ठाकरे पंतप्रधानपदाचे उमेदवार आहे, असा दावा करतात. पण ते शक्य आहे का, असा सवाल विचारत संजय शिरसाट यांनी अप्रत्यक्षपणे अजित पवार यांना मुख्यमंत्री म्हणून स्वीकारण्यास शिंदे गट तयार नसल्याचे संकेत दिल्याची चर्चा आहे.