नवले पुलावर सातत्याने अपघात होत असताना आज पुन्हा एका टँकरचा अपघात झाला. यामध्ये कोणतीही जीवितहानी झाली नाही. चालक सुद्धा बचावला गेला आहे आणि सुखरूप आहे. खोबरेल तेल घेऊन निघालेल्या टँकर चालकाचे वाहनावरील नियंत्रण सुटल्याने रस्त्याच्या मध्ये असलेल्या दुभाजकाला धडकून टँकर महामार्गावर उलटला आहे. या अपघातात टँकरमधील २४ हजार लिटर खोबरेल तेल रस्त्यावर सांडले आहे. इतक्या मोठ्या प्रमाणात तेल सांडल्याने रस्त्यावर तेलाची नदी पाहू लागली होती. त्यामुळे वाहतूक मंदावली असून रस्त्यावर तेल असल्याने अपघाताची शक्यता अधिक वाढली आहे. या घटनेनंतर महामार्गावर वाहनांच्या लांबच लांब रांगा लागल्या आहेत. महामार्गावरील वाहतूक संथ गतीने पुढे जात आहे.
या अपघातानंतर घटनास्थळी वाहतूक पोलीस, तसेच राष्ट्रीय महामार्ग पेट्रोलिंग विभागाचे अधिकारी आणि कर्मचारी पोहचले आहेत. रस्त्यावरून तेल काढण्याच काम सुरू आहे. तरी या रस्त्यावरुन जाताना काळजी घेण्याचं आवाहन करण्यात आलं आहे.