देवरूख पोलिसांनी दाखवलेल्या तत्परतेनं दाम्पत्याचा जीव वाचला आहे. कोल्हापूरचे विनायक मढवळ (वय ३३), पत्नी सिद्धी मढवळ (वय ३२) आणि त्यांची मुलगी मीरा (वय ४) हे कारने (एमएच-०९- एफजे-८९७२) रत्नागिरी जिल्ह्यातील खेडमधून कोल्हापूरला येत होते. साखरप्यापासून पुढे २ किमी अंतरावर मुरडे घाटात समोरून आलेल्या वाहनाचा प्रखर प्रकाश डोळ्यावर पडल्याने विनायक यांना समोर रस्ता दिसला नाही. आणि याच काही सेकंदामध्येच कार थेट १०० फूट खोल दरीत कोसळली.

सेवानिवृत्तीनंतर आले शेतीचा भन्नाट प्रयोग, मार्केटची साथ मिळाली, पुण्याच्या संभाजीराव काकडेंची लाखोंची कमाई

कार ज्यावेळी दरीत कोसळली त्यावेळी मध्यरात्री दोन वाजले होते. विनायक यांच्या पत्नी सिद्धी यांनी मोठ्या धैर्याने नातेवाईकांना आणि ११२ नंबरवरून देवरूख पोलिसांना ८ एप्रिल रोजी २ वाजून ९ मिनिटांनी सिद्धी मढवळ यांनी माहिती देत आमचा अपघात झाला असून आम्हाला तत्काळ मदत हवी असल्याचे सांगितले. यावेळी देवरुख पोलीस ठाण्यात राहुल गायकवाड होते. ते सहकाऱ्यांसह १५ मिनिटांमध्ये घटनास्थळी दाखल झाले.

दलाई लामांकडून ‘त्या’ व्हिडिओ प्रकरणी मुलासह कुटुंबाची माफी, म्हणाले,लोकांना निष्पाप भावनेतून भेटत…

राहुल गायकवाड यांच्या नेतृत्वात पोलीस कॉन्स्टेबल प्रशांत नागवेकर, चालक पोलीस कॉन्स्टेबल तानाजी पाटील अवघ्या १५ मिनिटांत घटनास्थळी धाव घेतली. त्यानंतर दोरीच्या मदतीने दरीत उतरून प्रथम गाडीची डिकीतून मुलगी मीराला बाहेर काढले. त्यानंतर विनायक आणि सिद्धी यांना बाहेर काढून सुखरूप दरीतून बाहेर काढले. मध्यरात्री कोणीही मदतीला नसताना देवरूख पोलिसांच्या या मदतीमुळे मढवळ दाम्पत्याला अश्रू अनावर झाले. सुदैवाने या अपघातात तिघेही सुरक्षित आहेत.

महाडिक भ्याले, कोल्हापूरकरांनी पाहिले, लढाई करण्याचं धाडस त्यांच्यात नाही – सतेज पाटील