रायगड/रोहा: छत्रपती शिवाजी महाराजांचा एकेरी उल्लेख केल्याचे बघून कोकणकन्या असलेली रायगडची वाघीण भडकली व रोह्यातील वनश्री शेडगेने थेट लंडनच्या म्युझियम प्रशासनाला खडे बोल सुनावण्यासाठी मागेपुढे पहिले नाही. तिने थेट लंडन म्युझियमच्या कॉमेंट कार्डमध्ये याबाबतची लेखी तक्रार केली. त्यात तिने ‘राजांचा एकेरी उल्लेख हा त्यांचा आणि माझ्या हिंदुस्थानचा अनादर असल्याचे परखड मत व्यक्त केलं. केवळ महाराष्ट्र किंवा हिंदुस्थानातच नव्हे तर संपूर्ण जगभरात छत्रपती शिवाजी महाराज यांचे नाव आदराने घेतले जाते. शिवाजी महाराजांसम कोणीही नाही’ असे स्पष्टपणे सुनावले. या तक्रारीनंतर म्युझियमच्या व्यवस्थापनाने वनश्रीशी ईमेलद्वारे संपर्क साधण्यात आला आहे. लवकरच एकेरी उल्लेख काढून ‘छत्रपती शिवाजी महाराज’ असे लिहिणार असल्याचे कळवले आहे. वनश्रीने केलेल्या या अनोख्या कामगिरीचे महाराष्ट्रसह भारत देशात कौतुक होत आहे.
लंडनमधील म्युझियममध्ये छत्रपती शिवाजी महाराज यांच्या काळातील अनेक मौल्यवान वस्तू व साधने जतन करण्यात आली आहेत. त्यात भवानी तलवारीचादेखील समावेश असून ज्या अफझलखानाचा कोथळा वाघनखाच्या साहाय्याने काढण्यात आला ती वाघनखे देखील याच म्युझियममध्ये जतन करून ठेवली आहेत. महाराष्ट्रातील हा ऐतिहासिक वारसा तसेच खजिना पाहण्यासाठी वनश्री लंडन येथील म्युझियमला भेट देण्यासाठी वनश्री गेली होती. वनश्री ही शिवसेनेचे रोहा तालुकाप्रमुख समीर शेडगे यांची कन्या आहे. ती लंडनमध्येच सिव्हिल इंजिनिअरिंगचे पदव्युत्तर शिक्षण घेत आहे.
लंडनमधील म्युझियममध्ये छत्रपती शिवाजी महाराज यांच्या काळातील अनेक मौल्यवान वस्तू व साधने जतन करण्यात आली आहेत. त्यात भवानी तलवारीचादेखील समावेश असून ज्या अफझलखानाचा कोथळा वाघनखाच्या साहाय्याने काढण्यात आला ती वाघनखे देखील याच म्युझियममध्ये जतन करून ठेवली आहेत. महाराष्ट्रातील हा ऐतिहासिक वारसा तसेच खजिना पाहण्यासाठी वनश्री लंडन येथील म्युझियमला भेट देण्यासाठी वनश्री गेली होती. वनश्री ही शिवसेनेचे रोहा तालुकाप्रमुख समीर शेडगे यांची कन्या आहे. ती लंडनमध्येच सिव्हिल इंजिनिअरिंगचे पदव्युत्तर शिक्षण घेत आहे.
शहाजी महाराजांच्या साडेतीनशे वर्ष जुन्या समाधीची दुरवस्था, ३.५ कोटींचा निधी गेला परत
म्युझियममधील अनेक दुर्मिळ वस्तू पाहत असतानाच एशियन विभागाकडे तिचे लक्ष गेले. या विभागात महाराष्ट्रातील छत्रपती शिवाजी महाराजांच्या काळातील तलवारी, चिलखते, कट्यारी आढळून आल्या. वनश्रीची नजर शिवरायांच्या भवानी तलवारीकडे गेली. ही तलवार पाहताच तिने उत्स्फूर्तपणे शिवरायांचा जयजयकार केला. म्युझियममधील १२ नंबरवर भवानी तलवार तर २२ नंबरच्या रॅकमध्ये वाघनखे ठेवण्यात आली होती. मात्र, त्यावरील लेबलवर शिवरायांचा एकेरी उल्लेख केल्याचे बघून वनश्री भडकली. विजेसारखी तलवार चालवून गेला.. निधड्या छातीने हिंदुस्तान हलवून गेला.. अशा शब्दांत हिंदवी स्वराज्याचे संस्थापक छत्रपती शिवाजी महाराज यांच्या बहाद्दरीचे वर्णन करण्यात आले आहे. शत्रूला नामोहरम करणारी भवानी तलवार तसेच ढाल, चिलखत आणि कट्यार, वाघनखे हा सारा मौल्यवान शिवकालीन ऐतिहासिक खजिना लंडनच्या म्युझियममध्ये आहे. पण याच म्युझियममध्ये छत्रपती शिवरायांचा एकेरी उल्लेख केल्याची धक्कादायक बाब रोहयाची मराठमोळी रणरागिणी वनश्री शेडगे हिच्या लक्षात आली. तिने तातडीने कडाडून आक्षेप घेतला. लेखी तक्रार करताच म्युझियमच्या प्रशासनाने याची गंभीर दखल घेतली आहे. शिवरायांचा उल्लेख एकेरी न करता ‘छत्रपती शिवाजी महाराज’ असा करणार असल्याचा मेल त्यांनी वनश्रीला पाठवला आहे. लंडनच्या म्युझियम प्रशासनाला खडसावून जाब विचारणाऱ्या कोकणकन्या असलेल्या वनश्रीचे तमाम शिवभक्तांनी अभिनंदन व कौतुक केले आहे.
अजितदादांचं फायर भाषण, लोकांच्या टाळ्या शिट्ट्या, उद्धव ठाकरे-अशोक चव्हाणांच्या चेहऱ्यावर हसू