सातारा: नागेवाडी (भाडळे) ता. कोरेगाव गावचे सुपुत्र वीर शहीद जवान नाईक अंकुश संपतराव माकर (वय ३९) यांना कालूचक जम्मू – काश्मीर येथे कर्तव्य बजावत असताना बुधवारी (दि. ५ एप्रिल) वीर मरण आले. नागेवाडी (भाडळे) येथील वीर जवान नाईक अंकुश संपतराव माकर कालूचक जम्मू-काश्मीर येथे बॉम्बे इंजिनिअर युनिट नंबर १०६ मध्ये कार्यरत होते. त्यांना बुधवारी वीरमरण आले असल्याची माहिती आज प्राप्त झाली.गेल्याच आठवड्यात वडिलांचा मृत्यू
वीर जवान अंकुश माकर हे मनमिळाऊ आणि कर्तव्यदक्ष स्वभावाचे होते. ग्रामीण भागात वाढत्या बेरोजगारीवर युवकांनी सैन्य दलात भरती व्हावे, यासाठी ते नेहमी आग्रही राहत असेत. मागील आठवड्यात वडिलांचे निधन झाल्याने ते गावी आले होते. वडिलांचा अंत्यविधी केल्यानंतर ते आठ दिवसांपूर्वी पुन्हा नोकरीच्या ठिकाणी रुजू झाले होते. आपल्या १९ वर्ष आठ महिने देश सेवा काळात त्यांनी पुणे, सिक्किम, लेह, कालूचक, श्रीनगर, लदाख, चंदिगड, राजुरी यादी ठिकाणी आपली सेवा कार्य तत्परतेने बजावले होते. माकर यांच्या वीस वर्षे सेवाकाळातील अवघ्या चार महिन्यांचा सेवाकाळ बाकी होता. चार महिन्याने ते सेवानिवृत्त होणार होते.
वीर जवान अंकुश माकर हे मनमिळाऊ आणि कर्तव्यदक्ष स्वभावाचे होते. ग्रामीण भागात वाढत्या बेरोजगारीवर युवकांनी सैन्य दलात भरती व्हावे, यासाठी ते नेहमी आग्रही राहत असेत. मागील आठवड्यात वडिलांचे निधन झाल्याने ते गावी आले होते. वडिलांचा अंत्यविधी केल्यानंतर ते आठ दिवसांपूर्वी पुन्हा नोकरीच्या ठिकाणी रुजू झाले होते. आपल्या १९ वर्ष आठ महिने देश सेवा काळात त्यांनी पुणे, सिक्किम, लेह, कालूचक, श्रीनगर, लदाख, चंदिगड, राजुरी यादी ठिकाणी आपली सेवा कार्य तत्परतेने बजावले होते. माकर यांच्या वीस वर्षे सेवाकाळातील अवघ्या चार महिन्यांचा सेवाकाळ बाकी होता. चार महिन्याने ते सेवानिवृत्त होणार होते.
मोरवणे गावचे सुपुत्र शहीद अजय ढगळे पंचत्वात विलीन; शासकीय इतमामात अंत्यसंस्कार, मुलीने दिला मुखाग्नी
कुटुंब शोकसागरात बुडाले
शांत, संयमी, निर्गवी स्वभाव असलेल्या अंकुश माकर यांना सेवानिवृत्तीनंतर वृद्ध आई कुटुंबीयांसह राहून मुलांचे शिक्षण, भावी उज्वल आयुष्याचे स्वप्न पाहिले होते. मात्र, त्यांच्या अकाली निधनाने सर्व स्वप्नही अधुरी राहिली. अवघे कुटुंब शोक सागरात बुडाले आहे. वीरमरण आलेले अंकुश माकर यांच्या निधनाने नागेवाडी गावासह परिसरात शोककळा पसरली आहे. वीर जवान माकर यांचे पार्थिव रविवारी सायंकाळी येण्याची शक्यता असल्याची माहिती आजी-माजी सैनिक आणि ग्रामस्थांकडून मिळाली. आजी -माजी सैनिक, ग्रामस्थ माकर यांच्या अंत्यविधीची तयारी करण्यात व्यस्त होते. माकर यांच्या पश्चात वृद्धा आई, पत्नी माधुरी माकर, मुलगा ओंकार (वय १२), मुलगी रोशनी (वय ६), दोन भाऊ, भावजा असा एकत्र परिवार आहे.