सातारा : साताऱ्यातील लोणंद येथे गावठी बॉम्बसदृश्य स्फोटकांचा स्फोट झाल्याने खळबळ उडाली आहे. एका डुकराने हे स्फोटक खाल्ल्यानंतर स्फोट झाला आणि हे डुक्कर ठार झालं. सकाळी लोक आपापल्या कामात व्यस्त होते. कोणी पाणी भरत होतं, कोणी आंघोळ करत होतं, तर कोणाची कामावर जाण्याची घाई चालली होती. प्रवाशांचीही रेल्वे स्थानकावर ये -जा सुरू होती आणि अचानक बॉम्ब सदृश्य स्फोटकाचा आवाज झाला. त्यामुळे वातावरण भयभीत झाले. नेमकं काय झालं हे कळलं नाही. आवाज झालेल्या दिशेने लोकांची पळापळ सुरू झाली. लोकांना एक डुक्कर मृतावस्थेत पडलं दिसलं. त्यानं गावठी बॉम्बसदृश स्फोटक खाल्लं होतं अन् जीवनाला मुकलं होतं.याबाबत घटनास्थळावरून मिळालेली माहिती अशी, लोणंद येथे रेल्वे स्टेशन परिसरात गावठी बॉम्बसदृश स्फोटकं डुकराने खाल्ल्याने भीषण स्फोट होऊन स्फोटात डुकराचा जागीच मृत्यू झाला, हे गावठी बॉम्बसदृश्य स्फोटक डुक्कर मारण्यासाठीच पेरली असावीत असा अंदाज व्यक्त होत आहे. या घटनेनंतर काही काळ परिसरातील नागरिकांमध्ये घबराटीचं वातावरण होतं.

९० फीट रोडवर माथेफिरूचा धिंगाणा, हातात दांडका, चॉपर, हॉटेल चालकावर केला वार, २ जखमी
लोणंद शहरात रेल्वे स्टेशन परिसरात अज्ञात व्यक्तीने डुकरे मारण्यासाठी चेंडूच्या आकाराचे गावठी बॉम्ब परिसरात टाकल्याने परिसरात एकच खळबळ उडाली आहे. आज सकाळी साडेआठ वाजता ही स्फोटके खाल्ल्याने एका डुकराचा जागेवरच मृत्यू झाला. यामुळे रेल्वे स्टेशन परिसरात मोठा आवाज झाला.

Mumbai Theat call: ३ दहशतवादी मुंबईत घुसले?, फोन कॉल्समुळे खळबळ, पोलीस यंत्रणा अलर्ट मोडवर
या घटनेनंतर लोणंद पोलिसांकडून घटनास्थळी स्फोटकांचा कसून शोध घेण्यात आला, तर दुपारनंतर सातारा येथील बॉम्बशोधक पथकाकडूनही रेल्वे स्थानक परिसरात श्वानाच्या मदतीने स्फोटकांचा शोध घेऊन सुमारे १७ बॉम्बसदृश गोळे नष्ट केले. यावेळेस लोणंद पोलीस ठाण्यातील पोलीस उपनिरीक्षक गणेश माने व कर्मचारी उपस्थित होते. तसेच या गावठी बॉम्ब टाकणाऱ्या अज्ञात व्यक्तीचा शोध सहाय्यक पोलीस निरीक्षक विशाल वायकर यांच्या मार्गदर्शनाखाली लोणंद पोलीस घेत आहेत.

यात्रेत सुरू होता भलताच प्रकार, पोलिसांना मिळाली गुप्त माहिती, कारवाईदरम्यान पोलिसांवरच हल्ला