चंद्रपूर: सांदवाडीत बैल चारा खायला गेला. यातून वाद निर्माण झाला. या वादाचे रूपांतर हत्येत झालं. या घटनेत मृत्यू झालेल्या व्यक्तीच्या कुटुंबीयांनी मृतदेह आरोपीच्या घरी नेऊन ठेवला. त्यामुळे गावात तणावाचं वातावरण निर्माण झालं आहे. पोलीस, आर.सी.बी., दंगा नियंत्रण पथक गावात तैनात करण्यात आले आहेत. ही घटना जिल्हातील बोर्डा दीक्षित गावात घडली आहे. किसन लिंगाजी कुमरे (वय ७५) असे मृत व्यक्तीचे नाव आहे. दरम्यान, याप्रकरणी पोलिसांनी सहा आरोपींना ताब्यात घेतलं आहे.बैल चारा खायला गेल्यावरुन वाद, अन् मग हत्या
पोंभुर्णा तालुक्यातील बोर्डा दिक्षीत येथील किसन लिंगाजी कुमरे यांच्या सांदवाडीत गावातील एकाचा बैल चारा खायला गेला. यातून वाद निर्माण झाला. या वादातून किसन यांची हत्या करण्यात आली. या घटनेने गाव हादरले. मृतकाच्या कुटुंबियांनी मृतदेह आरोपीच्या घरी ठेवला. आरोपींना अटक झाल्याशिवाय मृतदेह उचलणार नाही अशी भूमिका कुटुंबियांनी घेतली. त्यामुळे गावात तणाव निर्माण झाला.
पोंभुर्णा तालुक्यातील बोर्डा दिक्षीत येथील किसन लिंगाजी कुमरे यांच्या सांदवाडीत गावातील एकाचा बैल चारा खायला गेला. यातून वाद निर्माण झाला. या वादातून किसन यांची हत्या करण्यात आली. या घटनेने गाव हादरले. मृतकाच्या कुटुंबियांनी मृतदेह आरोपीच्या घरी ठेवला. आरोपींना अटक झाल्याशिवाय मृतदेह उचलणार नाही अशी भूमिका कुटुंबियांनी घेतली. त्यामुळे गावात तणाव निर्माण झाला.
ठाकरे गटाच्या महिला पदाधिकाऱ्याला मारहाण, शिवसेना महिला कार्यकर्त्यांवर आरोप
शांतता, सुव्यवस्थेसाठी गावात पोलीस, आर.सी.बी.ची टिम, दंगा नियंत्रण पथक तैनात करण्यात आले होते. हत्येतील पाच आरोपींना पोलिसांनी ताब्यात घेतले आहे. केशव गेलकीवार, दामोदर गेलकीवार, अक्षय गेल्कीवार, शुभम गेलकीवार, तुळशिदास गेल्कीवार असे ताब्यात घेतलेल्या आरोपींची नावे आहेत. पुढील तपास पोलीस करीत आहेत. गेल्या काही दिवसांपासून जिल्हात गुन्हाच्या घटनेत वाढ झाल्याने चिंता व्यक्त केली जात आहे.
आंदोलनकर्त्यांची मागणी मान्य
या हत्येनेनंतर आदिवासी बांधवानी आंदोलन केले. काही मागण्या त्यांनी लावून धरल्या. पोलिसांनी त्यांच्या मागण्या मान्य केल्यावर आंदोलन मागे घेतल्या गेले. मृतदेह कुटुंबियांनी घरी नेला. उद्या पहाटेला त्यांच्यावर अंतिम संस्कार करण्यात येणार आहेत.
पेण ते पनवेल ४५ मिनिटांचा थरार, वनविभागाने समुद्राच्या पोटातील ३० टन वजनी खजिना पकडला, किंमत…