जालना: पत्नी परपुरुषासोबत राहत असल्याच्या रागापोटी पतीने भरदिवसा गोळ्या झाडून सासऱ्याची हत्या केल्याचा धक्कादायक प्रकार अंबड तालुक्यातील रामगव्हाण येथे घडला. या हत्याकांडाचे वृत्त संपूर्ण जिल्ह्यात पसरल्यानंतर एकच खळबळ उडाली आहे. अंबड तालुक्यातील रामगव्हाण येथील मूळ रहिवासी असलेल्या व सध्या आडुळ आणि नंतर पाचोड येथे स्थायिक झालेल्या किशोर शिवदास पवार याचा अंबड येथील शारदा नगर भागात राहणाऱ्या पंडित भानुदास काळे या त्याच्या मामाच्याच मुलीसोबत १२ वर्षांपूर्वी विवाह झाला होता. लग्न झाल्यापासून दोघांचा सुखी संसार चालू होता. लग्नानंतर किशोर पवार यांना चार अपत्येही झालेली असून संसाराचा गाडा चांगल्यापैकी सुरू होता. पण अचानक या कुटुंबाला नजर लागली आणि घराचे वासे फिरले.
किशोर पत्नी काही दिवसांपूर्वी मुलांना आणि घर सोडून अचानक पाचोड येथील एका परपुरुषासोबत राहू लागली. पत्नी भरला संसार व ४ अपत्ये सोडून परपुरुषासोबत राहू लागल्याने किशोरचा तिळपापड झाला. आपली पत्नी पळून गेली आणि तिला सासरा पंडित काळे याने चिथावणी दिल्याचा संशय किशोर पवारच्या डोक्यात होता.
किशोर पत्नी काही दिवसांपूर्वी मुलांना आणि घर सोडून अचानक पाचोड येथील एका परपुरुषासोबत राहू लागली. पत्नी भरला संसार व ४ अपत्ये सोडून परपुरुषासोबत राहू लागल्याने किशोरचा तिळपापड झाला. आपली पत्नी पळून गेली आणि तिला सासरा पंडित काळे याने चिथावणी दिल्याचा संशय किशोर पवारच्या डोक्यात होता.
रागाने बेफाम झालेल्या किशोर याने याच रागातून आज (बुधवार) सकाळी आपल्या २ मित्रांसोबत पल्सर गाडीवर तडक अंबड गाठले. अंबड येथे येऊन त्याने सासऱ्यावर भरदिवसा गावठी पिस्तुलातून थेट दोन गोळ्या झाडल्या त्यातील एक गोळी डोक्यात तर एक पाठीत लागली. या घटनेत पंडित काळे यांचे जागीच निधन झाले. गोळीबार केल्यानंतर गावठी पिस्तूलासह किशोर व त्याच्या मित्रांनी धूम ठोकली आणि ते फरार झाले.
बायका उघड्यावर शौचास बसायच्या,पाहवत नव्हतं; गावाची आई बनली, मंगळसूत्र, दागिन्यांसह जमीन विकून शौचालयं उभारली
गोळी झाडली जाताच झालेल्या आवाजाने लोक पळत आले. पोलिसांना फोन केल्यावर पोलिसांचे पथक घटना स्थळी दाखल झाले. अंबडचे पोलीस निरीक्षक शिरीषकुमार हुंबे यांनी तातडीने घटनास्थळ गाठून मृतदेह उपजिल्हा रुग्णालयात हलविला आहे. घटनेचे गांभीर्य पाहता फरार आरोपी किशोर पवार यांच्या शोधासाठी पोलिसांची पथके विविध ठिकाणी रवाना झाली आहेत. दिवसाढवळ्या भरवस्तीत घडलेल्या या हत्याकांडाने जालना जिल्ह्यासह अंबड शहरात एकच खळबळ उडाली आहे.