रुग्णालयामध्ये दाखल करताना विलगीकरण कक्षाची उपलब्धता करण्याचे निर्देश देण्यात आले आहेत. संसर्गित रुग्णांची संख्या अधिक वाढली आहे. त्यांना रुग्णालयामध्ये दाखल करण्याची वेळ आली तर कस्तुरबा रुग्णालयाचा पर्याय पालिकेने तयार ठेवला आहे.

लक्षणे कोणती?

घसादुखी, खोकला तसेच दीर्घकाळ राहणारी सर्दी, घशातील दुखणे अशा स्वरूपाच्या तक्रारी वाढताना दिसत आहेत. थंड वातावरणामध्ये हे आजार अधिक बळावत असल्याचेही दिसून आले आहे. मास्कचा वापर केल्यास इतर बाधित व्यक्तीचा संसर्ग आपल्याला होत नाही. प्रवास करतानाही मास्कचा वापर केल्यास मदत होऊ शकेल, असे फिजिशिअन डॉ. सुहास मोडे यांनी सांगितले.

राज्यात २०५ नवे करोनारुग्ण

राज्यात सोमवारी करोनाच्या २०५ नव्या रुग्णांची नोंद झाली. मात्र एकाही करोनाबाधित रुग्णाचा मृत्यू करोनामुळे झालेला नाही. मृत्युदर १.८२ टक्के असल्याचे आरोग्य विभागाने सांगितले. आत्तापर्यंत तपासण्यात आलेल्या प्रयोगशाळा नमुन्यांपैकी ९.४० टक्के नमुने पॉझिटिव्ह आले आहेत. आरटीपीसीआर चाचणी करण्यात आलेल्या प्रवाशांची संख्या ३५,०३१ असून तपासणीसाठी पाठवण्यात आलेल्या नमुन्यांची संख्या ४२ इतकी आहे.