चंद्रकांत पाटलांना अशीच बैठक घ्यायची होती तर त्यांनी थेट जनतेमध्ये जाऊन बोलायला पाहिजे होते. या बैठकीत आमदारांपेक्षा भाजपचे कार्यकर्तेच जास्त बोलत होते. या बैठकीमध्ये शहरातील रस्ते, जायका प्रकल्प, नदी सुधार प्रकल्प आणि पाण्याच्या योजनेसंदर्भात चर्चा होणार होती. या चर्चेमध्ये मला देखील माझं मत व्यक्त करायचं होतं. मात्र, असा बैठकीतील प्रकार बघून आपण निघून आलो असल्याचे धंगेकर यांनी सांगितले. दरम्यान, बैठकीत बसल्यानंतर चंद्रकांत पाटलांनी माझ्याकडे साधं बघितलंही नाही. तसेच, मी निघून आलो तेव्हा त्यांना कळले देखील नसेल की मी या बैठकीला आलो होतो, असा टोला देखील त्यांनी लगावला.

यावर बैठक झाल्यानंतर चंद्रकांत पाटील यांनी प्रतिक्रिया देत धंगेकर नाराज होऊन निघून गेले असल्याची आपल्याला पुसटशी कल्पना देखील नसल्याचं म्हटलं आहे. ज्या गणेश बीडकरांच्या उपस्थितीबद्दल धंगेकर यांनी आक्षेप घेतला आहे त्यावर चंद्रकांत पाटील म्हणाले, गणेश बिडकर हे महापालिकेचे सभागृह नेते होते. २०१७ ते २०२२ दरम्यान झालेले विकास कामे हे त्यांच्या काळात झाले होते. त्यामुळे ते आले आणि सुरू असलेल्या बैठकीत थोडेफार बोलून देखील निघून गेले. त्यामुळे धंगेकर नाराज होऊन निघून गेले हे मला आत्ता कळतंय’, असं चंद्रकांत पाटील म्हणाले.

बैठकीत धंगेकर यांनी नाराजी व्यक्त करायला हवी होती, त्यांनी विचारायला हवं होतं हे बिडकर कोण? मी निषेध म्हणून बैठकीतून चाललोय, असं तरी म्हणायचं होतं. म्हणजे मी त्यांना म्हणालो असतो अहो धंगेकर कुठे चाललोय बसा इथं. मला असं वाटलं त्यांना फोन आला म्हणून ते बाहेर गेले. मी विचारलं धंगेकर कुठे गेले. तेव्हाही ते नाराज असल्याचं कोणी मला सांगितलं नाही. नाहीतर मी फोन करून त्यांना बोलावून घेतलं असतं. रात गई बात गई…. आता ते आमदार झालेत. लोकप्रतिनिधी झालेत. त्यामुळे त्यांनी आता घरी जेवायला बोलावले तरी जाईल, असं चंद्रकांत पाटील म्हणाले.