नाशिक :उद्धव ठाकरे यांनी मालेगावमध्ये शिवसेना उद्धव बाळासाहेब ठाकरे पक्षाच्या सभेला संबोधित केलं यावेळी त्यांनी एकनाथ शिंदे, भाजपवर हल्लाबोल केला. विशेषत: सुहास कांदे आणि अब्दुल सत्तार यांच्यावर टीका केली. उद्धव ठाकरे यांनी यावेळी बोलताना आज आपलं नाव चोरलं, धनुष्यबाण चोरलं, माझ्या हातात काहीही नाही तरी इतकी गर्दी, ही पुर्वजांची पुण्याई आणि जगदंबेची कृपा आहे, असं उद्धव ठाकरे म्हणाले. मी पुन्हा मुख्यमंत्री होण्यासाठी अद्वय हिरे यांनी शपथ घेतली, पण मी तुमच्या प्रश्नांसाठी लढतोय, असं उद्धव ठाकरे म्हणाले.
आपलं एकच ब्रीद वाक्य आहे ते म्हणजे जिंकेपर्यंत लढायचं, जिंकेपर्यंत सोबत राहणार का असा सवाल उद्धव ठाकरे यांनी उपस्थित शिवसैनिकांना केला. आपल्याला गद्दार ढेकनांसाठी तोफेची गरज नाही, असं उद्धव ठाकरे म्हणाले.
आपलं एकच ब्रीद वाक्य आहे ते म्हणजे जिंकेपर्यंत लढायचं, जिंकेपर्यंत सोबत राहणार का असा सवाल उद्धव ठाकरे यांनी उपस्थित शिवसैनिकांना केला. आपल्याला गद्दार ढेकनांसाठी तोफेची गरज नाही, असं उद्धव ठाकरे म्हणाले.
मी मालेगावकरांना धन्यवाद देतो, करोनाच्या संकटात दोन ठिकाणी काळजाचा ठोका चुकला होता. मुंबई आणि मालेगाव करायचं काय, बंदोबस्ताला आलेले पोलीसही करोनाग्रस्त होत होते. मी सर्व धर्मगुरुंशी बोललो आणि तुम्ही साथ दिली नसती तर मालेगाव वाचलं नसते. पण, मी घरी बसून तुमच्याशी बोललो आणि तुम्ही ऐकले, कुटुंबाचा सदस्य म्हणून मला मान दिला हे गद्दारांच्या नशिबात असेल का, असा सवाल उद्धव ठाकरे म्हणाले.
आजची सभा बघून शिवसेनेचं काय कमी केलं तुम्ही, नाव चोरलं, धनुष्यबाण चोरला, तुम्ही जीवाभावाची प्रेम करणारी माणसं चोरु शकत नाही, ही भाड्याने आणता येत नाहीत, असं उद्धव ठाकरे म्हणाले.
मी दोन शेतकऱ्यांना भेटलो, रतनकाका भागवत आणि कृष्णा डोंगरे यांना भेटलो. तुम्ही म्हणताय कांद्याला भाव मिळाला नाही, मी म्हणतो मिळाला, खरेदी मिळाली नाही, मी म्हणतो कांदा खरेदी झाली, गेल्या वर्षी एका कांद्याची खरेदी नाही का झाली, किती खोक्याला एक कांदा गेला, एक कांदा ५० खोक्याला जात असेल तर तुम्हाला खोके नाहीतर रक्ताचा आणि घामाचा किती पैसा मिळाला पाहिजे, असं उद्धव ठाकरे म्हणाले. कांद्याची ५० खोक्याला खरेदी झाली म्हणत उद्धव ठाकरे यांनी सुहास कांदे यांच्यावर नाव न घेता हल्लाबोल केला.
अडीच वर्ष शेतकऱ्यांच्या पाठी आपलं सरकार होतं, असं उद्धव ठाकरे म्हणाले. शेतकऱ्याला हमीभाव नाही, हमखास भाव मिळाला पाहिजे. रतन काकांनी कांदा लागवडीसाठी कर्ज घेतलं, पत्नीचे दागिने गहाण, सगळे पैसे लावले, विचार हाच की सोन्यासारखं पीक हाती येईल, पण कांद्याची विल्हेवाट लागली, कर्ज वाढलं, पत्नीचे दागिने अडकले, नातीचं लग्न लांबणीवर गेलं, मला उत्तर देण्यासाठी इथे सभा घेणार आहात ना त्याआधी रतन काकांसारख्या डोक्यावर कर्जाचं डोंगर असलेल्या शेतकऱ्यांना उत्तर द्या, असं आव्हान उद्धव ठाकरे यांनी एकनाथ शिंदे यांना दिलं.
कृष्णा डोंगरेंनी रक्ताने पत्र लिहिलं, त्यांनी मुख्यमंत्री साहेब केंद्रातलं धोरण हे शेतकऱ्यांविरुद्ध आहे, तुम्ही आवाज उठवा असं सांगितलं. पण कोण आवाज उठवणार, बकरी कधी आवाज उठवते का? असा सवाल उद्धव ठाकरे यांनी केला. तोंड उघडलं तर काय बाहेर पडणार, तुम्ही कोणाकडून अपेक्षा करत आहात, ज्यांच्या गळ्यात दोरी बांधून घंटा बांधली आहे त्यांच्याकडून अपेक्षा ठेवू नका, असं उद्धव ठाकरे म्हणाले.
Washim : लेकाच्या स्वप्नासाठी बाप झाला रॅन्चो; चक्क भंगारातून बनवली आकर्षक ई-बाइक…
दिवाळीवेळी मुख्यमंत्री शेतीत रमले पण त्यांच्या शेतीत दोन दोन हेलिपॅड, मुख्यमंत्री हेलिकॉप्टरने शेतात जातात. स्वत:च्या शेतात रमतात पण शेतकऱ्यांच्या बांधावर यायला वेळ नाही, असं उद्धव ठाकरे म्हणाले. कृषी मंत्र्यांना दिव्यदृष्टी आहे ते काळोखात जाऊन नुकसानाची पाहणी करतात, महिलांना शिव्या देतात, सुप्रिया सुळेंना शिवी दिली, तरीही निर्जल्लासारखे मांडीला मांडी लावून बसतात हे यांचं हिंदुत्व आहे अशी टीका उद्धव ठाकरे यांनी केली.