बीड: गेल्या पाच दिवसांपासून महेश लक्ष्मण सोळंके हा तरुण बेपत्ता होता. मात्र या तरुणाचा एका विहिरीत मृतदेह तरंगताना आढळून आला आहे. हा मृतदेह मोहखेडच्या एका विहिरीत कुजलेल्या अवस्थेत आढळून आल्याने पोलीस प्रशासनाने घटनास्थळी तात्काळ धाव घेऊन मृतदेह पाण्याच्या बाहेर काढला आहे.

मोहखेड तालुका धारूर येथील महेश लक्ष्मण सोळंके हा ७ मार्चपासून बेपत्ता होता. घरातून शौचास जातो म्हणून बाहेर पडला तो पूर्ण दिवस उलटून गेला तरी तो घरी परतलाच नाही. आई-वडिलांसह गावकऱ्यांनी देखील त्याचा शोध घेतला मात्र मुलगा महेश कुठेच आढळून येत नसल्याने अखेर लक्ष्मण सोळंके यांनी सिरसाळा पोलीस ठाण्यात महेश लक्ष्मण सोळंके वय वर्ष २५ हा बेपत्ता झाल्याची तक्रार देऊन पोलीस प्रशासनाला त्याचा शोध घेण्यासाठी विनवणी केली. मात्र तरीदेखील महेशचा कुठेही शोध लागला नाही.
तहान लागली पाणी पिऊन येतो, वडिलांना सांगून बसमधून उतरला, अनं थोड्यावेळात मृतदेहच सापडला
दहा मार्च रोजी सायंकाळच्या वेळी एका व्यक्तीला त्यांनी शौचास जाताना जो डब्बा घेऊन गेला होता तो डब्बा एका ठिकाणी विहिरीच्या बाजूला सापडला. त्या डब्याची ओळख पटली आणि त्यानंतर लगेचच गावकऱ्यांसह लक्ष्मण सोळंके यांनी पोलिसांना याविषयी माहिती कळवली. त्यानंतर पोलिसांनी त्याचा शोध सुरू केला. इतरत्र शोध घेऊन तो सापडत नसल्याने अखेर ज्या ठिकाणी डब्बा सापडला त्या विहिरीत काही तासांनी मृतदेह कुजलेल्या अवस्थेत वर आला.

ठाण्यातील शिळफाटा स्फोटामागील कारण आलं समोर; २१ तासांनी गूढ उकलले
महेश सोळंकी याचाच मृतदेह असल्याची शंका पोलिसांना आली. त्यानंतर महेशच्या वडिलांना बोलवताच हा महेशचाच मृतदेह असल्याचं निष्पन्न झालं. तीन-चार दिवसांपासून या पाण्यात हा मृतदेह असल्याने तो कुजलेल्या अवस्थेत होता. त्यामुळे पोलीस प्रशासनाने विहिरीच्या बाजूलाच त्याच्यावर शवविच्छेदन करून त्याच्यावर अंत्यसंस्कार करण्यात आले. मात्र अवघ्या २५ वर्षाच्या महेशचा हा मृत्यू नेमकं कसा झाला ही आत्महत्या की हत्या हाच प्रश्नचिन्ह सगळ्यांसमोर उभा राहिला आहे.

आयुष्यभराची साथ सोडली सोबतच, पत्नीच्या मृत्यूनंतर पाच तासांनी पतीने सोडले प्राण
महेशच्या अकाली मृत्यूने सोळंके कुटुंबासह गावात शोककळा पसरली आहे. गेल्या चार ते पाच दिवसांपासून महेशचा शोध घेणारे सर्व नातेवाईक महेशचा मृतदेह पाहून त्यांच्या पायाखालची जमीन हादरली आहे.