छत्रपती संभाजीनगर: २५ वर्षीय तरुण वडिलांसह बुलढाणा येथून एस.टी. बसने छत्रपती संभाजीनगरच्या सिडको बसस्थानाकावर पोहोचले. तेथे आल्यावर तहान लागल्याने मुलगा पाणी पिऊन येतो म्हणून गेला आणि थोड्यावेळाने स्वच्छतागृहाजवळ तरुणाचं मृतदेहच आढळून आला आहे. दरम्यान आत्महत्येचा प्रकार असल्याची माहिती पोलिसांनी दिली असून या प्रकरणी आकस्मात मृत्यूची नोंद करण्यात आली असून पोलिस अधिक तपास पोलीस करत आहेत. पवन विष्णू तिलक (२५, रा. स्वयंदेव, ता.सिंदखेडराजा, जि. बुलडाणा) असे मृताचे नाव आहे.

या प्रकरणी अधिक माहिती अशी की, पवन हा शनिवारी बुलढाणा येथून वडिलासोबत छत्रपती संभाजीनगरच्या सिडको बसस्थानक येथे आला होता. दरम्यान तहान लागली मी पाणी पिऊन येतो असे म्हणत पवन गेला. मात्र बराच वेळ झाल तरी पवन काही आला नसल्याने वडिलांनी त्याचा आजूबाजूला शोध घेतला. तरी तो सापडला नाही. काही वेळाने बसस्थानक परिसरातील स्वच्छतागृहाच्या बाजूला एक तरुण बेशुद्धवस्थेत असल्याची माहिती पोलिसांना मिळाली. पोलिसांनी तातडीने घटनास्थळी धाव घेत तरुणांची ओळखी बबत विचारपूस करीत असताना तेथे तरुणाचे वडील आले आणि त्यांनी पवनची ओळख पटविली.

ठाण्यातील शिळफाटा स्फोटामागील कारण आलं समोर; २१ तासांनी गूढ उकलले
पोलिसांनी बेशुद्धावस्थेत पवनला शासकीय घाटी रुग्णालयात हलविले. तेथे डॉक्टरांनी तपासून पवनला मृत घोषित केले. याप्रकरणी एम.आय.डी. सी.सिडको पोलीस ठाण्यात आकस्मात मृत्यूची नोंद करण्यात आली असून मृत पवनला मानसिक आजार होते. त्या मानसिक आजारातून पवनने विषारी औषध पिऊन आत्महत्या केली असावी अशी माहिती पवनच्या वडिलांनी पोलिसांना दिली. या प्रकरणी पोलिस अधिक तपास पोलीस करीत आहेत.
लेकीला भेटण्यासाठी घरातून निघाले, मात्र भेट झालीच नाही; पती-पत्नीसोबत घडलं अघटित