पीडित व साक्षीदारांवर दबाव

याचबरोबर, मूळ तक्रारदार डॉ. वैभव साळुंखे यांच्यासह पीडित व साक्षीदारांना संरक्षण द्या, असे निर्देश प्रभारी मुख्य न्यायमूर्ती रवींद्र घुगे व न्या. गौतम अंखड यांच्या खंडपीठाने सरकारला दिले. ‘इंडियन मेडिकल असोसिएशन’तर्फे ज्येष्ठ वकील एस. यू. कामदार यांनी म्हात्रेंच्या जामिनाच्या विनंतीला विरोध दर्शवला. ‘म्हात्रेंच्या कृतीने पालिका रुग्णालयातील अन्य डॉक्टरांच्या मनातही दहशत बसली आहे. यापूर्वी अशा अनेक गुन्ह्यांतून ते साक्षीदारांवर दबाव टाकून निर्दोष सुटले. आताही पीडित व साक्षीदारांवर दबाव आहे. ’, असे म्हणणे कामदार यांनी प्रभारी मुख्य न्यायमूर्ती रवींद्र घुगे व न्या. गौतम अंखड यांच्या खंडपीठासमोर मांडले.

तर, ‘या प्रकरणात दबाव स्पष्ट दिसत आहे. त्यामुळे पोलिसांना कालबद्ध तपासाचे निर्देश द्यावेत आणि तोपर्यंत आरोपींना जामीन देऊ नये’, असे म्हणणे सुनावणीत ‘न्यायालय मित्र’ म्हणून सहाय्य करणारे ज्येष्ठ वकील अशोक मुंदरगी यांनी मांडले.
Atul Chavan : पत्नी भाजप आमदार, PWD तील मुख्य अभियंते अतुल चव्हाणांचा तडकाफडकी राजीनामा, व्हॉट्सअप स्टेटसची चर्चा

राज्याबाहेर राहण्यासही तयार

‘माझ्याकडून धमक्या जाण्याचा प्रश्नच नाही. शिवाय मी चार-सहा आठवड्यांसाठी राज्याबाहेर राहण्यासही तयार आहे. त्यामुळे तपास सुरू असताना मला जामीन दिला जाऊ शकतो’, असा युक्तिवाद म्हात्रेंनी ज्येष्ठ वकील आबाद पोंडा यांच्यामार्फत मांडला. तर, ‘न्यायालयाच्या आदेशाप्रमाणे पोलिस उपायुक्तांनी तपास हाती घेतला असून आतापर्यंत एकूण २६ जणांचे जबाब नोंदवले आहेत. आणखी अनेकांचे जबाब नोंदवण्यासह अनेकांचे आवाजाचे नमुने घेणे आणि पीडितांनी दिलेले व्हिडीओ फॉरेन्सिकला पाठवणे इत्यादी प्रक्रिया दोन आठवड्यांत करू. डॉ. साळुंखेंना पोलिस संरक्षणात डोंबिवलीत आणून आरोपींची ओळख परेड करून घेऊ’, अशी ग्वाही पोलिसांनी महाधिवक्ता मिलिंद साठे यांच्यामार्फत दिली.