म. टा. प्रतिनिधी, नाशिक : नागरिकांना सुरक्षित, स्वच्छ आणि दर्जेदार अन्नपदार्थ उपलब्ध व्हावेत यासाठी अन्न व औषध प्रशासनाकडून नाशिक शहर आणि परिसरात विशेष तपासणी मोहीम राबवण्यात येत आहे. या मोहिमेदरम्यान शहरातील मुख्य ठिकाणांसह मालेगाव परिसरातील विविध अन्न आस्थापनांवर धाडी टाकून तब्बल १९ लाख ९४ हजार ४८६ रुपये किमतीचा संशयास्पद, भेसळयुक्त व प्रतिबंधित अन्नसाठा जप्त करण्यात आला आहे.
या मोहिमेत नाशिक शहरातील कारवायांना प्राधान्य देत पथकाने विशेष पावले उचलली. चौक मंडई, जुने नाशिक येथील ‘मेसर्स भारत जनरल स्टोअर’वर कारवाई करून १ लाख १ हजार ७२६ रुपये किमतीचे प्रतिबंधित अन्नपदार्थ जप्त करण्यात आले. याप्रकरणी भद्रकाली पोलिस ठाण्यात गुन्हा दाखल करून संबंधित दुकान सील करण्यात आले आहे. तसेच आडगाव येथील जत्रा हॉटेल परिसरातील ‘मेसर्स स्वागतम स्वीट्स’ येथून ५ हजार ७६० रुपये किमतीचे ९ किलो निकृष्ट व भेसळयुक्त संशयित गायीचे तूप जप्त करण्यात आले.
Chhatrapati Sambhajinagar: छत गळतंय, विद्यार्थी पाणी काढतायत; फुलंब्रीत ZP शाळेचं धक्कादायक वास्तव, शिक्षण विभागावर संताप
नाशिक शहराव्यतिरिक्त मालेगाव तालुक्यातही दोन मोठ्या जप्ती करण्यात आल्या. चंदनपुरी शिवार येथील ‘मेसर्स श्रीराम एंटरप्रायझेस’ येथून विनापरवाना उत्पादन, विक्री बिल नसणे आणि भेसळीच्या संशयावरून १७ लाख २७ हजार रुपये किमतीचे सैल स्वरूपातील रिफाइंड सोयाबीन तेल जप्त करण्यात आले. तर कल्ली कुट्टी येथील ‘मेसर्स ए-वन ताज बेकरी’ वर अत्यंत अस्वच्छ वातावरणात आणि विनापरवाना व्यवसाय चालवला जात असल्याने कारवाई करण्यात आली.
BMC FDA Action: तुकाराम मुंढेंची मोठी कारवाई! मुंबई महापालिका मुख्यालयातील कॅन्टीन सील, काय कारण?
तेथून १ लाख ६० हजार रुपये किमतीचा चारशे किलो टोस्ट जप्त करून बेकरीला ‘व्यवसाय बंद’ ची नोटीस बजावण्यात खेळ करणाऱ्या आली आहे. नागरिकांच्या आरोग्याशी खेळ करणाऱ्या कोणत्याही व्यावसायिकाची गय केली जाणार नाही आणि भविष्यातही अशा कारवाया अधिक तीव्रतेने सुरूच राहतील, असा सज्जड इशारा अन्न व औषध प्रशासनाने दिला आहे.
जप्त मुद्देमाल…
कारवाईचे ठिकाण —जप्त केलेला मुद्देमाल-एकूण किंमत (रुपयांत)
भारत जनरल स्टोअर, जुने नाशिक —प्रतिबंधित अन्नपदार्थ १ लाख १ हजार ७२६
स्वागतम स्वीट्स, आडगाव, नाशिक —गायीचे तूप, ९ किलो : ५ हजार ७६०
श्रीराम एंटरप्रायझेस, मालेगाव —रिफाइंड सोयाबीन तेल १७ लाख २७ हजार
ए-वन ताज बेकरी, मालेगाव —टोस्ट ४०० किलो : १ लाख ६० हजार
एकूण-एकत्रित जप्त माल —सोयाबीन तेल, टोस्ट, तूप १९ लाख ९४ हजार ४८६
महाराष्ट्रात एफडीएकडून धाडसत्र सुरु आहे. तरीही भेसळयुक्त पदार्थ, निकृष्ठ अन्नपदार्थ, औषधं आढळतच आहे. प्रशासनाचा दरारा संपलाय का? याबाबत तुमचं मत काय? कमेंटमध्ये नक्की सांगा…
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा