आरपीएफ च्या नियंत्रण कक्षाला मिळणार स्वयंचलित अलर्ट

पुणे रेल्वे विभागातील पुणे स्थानक सर्वाधिक गर्दीचे स्थानक आहे. या ठिकाणाहून दीड लाखांपेक्षा जास्त प्रवासी करतात. नवीन बसविण्यात आलेल्या कॅमेऱ्यांपैकी १९ कॅमेरे उच्च दर्जाच्या ‘४-के’ रिझोल्यूशनचे आहेत. रेल्वे सुरक्षा दलाकडे (आरपीएफ) असलेल्या गुन्हेगारांच्या छायाचित्रांचा डेटाबेस या प्रणालीशी जोडण्यात आला आहे. त्यामुळे संबंधित गुन्हेगार कॅमेऱ्यांच्या कक्षेत येताच ‘आरपीएफ’च्या नियंत्रण कक्षाला स्वयंचलित ॲलर्ट मिळणार आहे. एखादा व्यक्ती हरवल्याची तक्रार आल्यानंतर तिचे छायाचित्र प्रणालीमध्ये अपलोड केल्यास ती व्यक्ती स्थानकातील कोणत्याही कॅमेऱ्यात दिसताच ‘आरपीएफ’ला त्वरित सूचना मिळेल. याशिवाय स्थानकावरील पादचारी पूल किंवा इतर ठिकाणी क्षमतेपेक्षा अधिक गर्दी झाल्यास ही प्रणाली तत्काळ धोक्याचा इशारा देणार आहे. सध्या पुणे रेल्वे स्थानकावर एकूण २३५ ‘सीसीटीव्ही’ कॅमेरे आहेत. त्यापैकी १६० नवीन आणि ७५ जुने कॅमेरे आहेत. यातील जुने ७५ कॅमेरे पुढील सहा महिन्यांत टप्प्याटप्प्याने हटविण्यात येणार आहेत.

Solapur Crime : ‘आई, मला मारु नको, मी शिकून खूप मोठी होईन’; मोठ्या मुलीची विनवणी ऐकली, पण धाकटीला निर्दयपणे संपवलं

एआय सीसीटीव्ही कॅमेऱ्याची वैशिष्ट्ये

पुणे स्थानकावर बसवण्यात आलेले सीसीटीव्ही कॅमेरे एआय तंत्रज्ञानाने परिपूर्ण आहेत. त्यामुळेच इतर कॅमेऱ्याच्या तुलनेत या सीसीटीव्ही कॅमेऱ्याची वैशिष्ट्य सुध्दा वेगळी आहेत.

.रात्रीच्या अंधारातील दृश्य दिसणारा म्हणजेच नाईट व्हिजन कॅमेरा
.फोर क्व्वालिटी कॅमेरे
.एआय तंत्रज्ञान युक्त
.फेस रेकग्निशन कॅमेरा ज्यामुळे सीसीटीव्हीतील कैद व्यक्तीचा चेहरा ओळखता येणार

Nashik News: रिक्षा प्रवासास मोजावे लागणार जादा पैसे, नाशिकमध्ये ‘आरटीओ’द्वारे सुधारित भाडेदर लागू; किती असतील दर?

प्रवाशांच्या सुरक्षेत मोठी भर पडणार ( हेमंतकुमार बेहरा )

” पुणे रेल्वे स्थानकावर बसविण्यात आलेल्या नव्या स्मार्ट सीसीटीव्ही प्रणालीमुळे प्रवाशांच्या सुरक्षेत मोठी भर पडणार आहे. कोणतीही संशयास्पद किंवा धोकादायक परिस्थिती निर्माण झाल्यास संबंधित यंत्रणेला तत्काळ अॅलर्ट मिळून जलद प्रतिसाद देता येईल.” अशी प्रतिक्रिया पुणे रेल्वे विभागाचे जनसंपर्क अधिकारी हेमंतकुमार बेहरा यांनी दिली.पुण्यातील वाढती वर्दळ आणि पुणे मेट्रो स्टेशन आता रेल्वे स्टेशनची जोडले गेल्याने प्रवाशांच्या सुरक्षेचा मुद्दा प्रथमदर्शनी ठेवून १६० नवे सीसीटीव्ही कॅमेरे
पुणे स्टेशनवर कार्यान्वित करण्यात आले. विशेष म्हणजे हे सर्व कॅमरे मुख्य प्रवेशद्वार आणि पादचारी पुलांवर २४ तास नजर ठेवून असणार आहेत.