मुंबईच्या महापौर रितू तावडे यांना बॉम्बस्फोटाची धमकी देणारा ईमेल आला आहे. मात्र धमक्यांना न घाबरता जनतेची सेवा सुरूच ठेवणार असल्याची ठाम भूमिका त्यांनी घेतली, या प्रकरणाचा तपास सुरू असून दोषींवर कारवाई होईल, असा विश्वास त्यांनी व्यक्त केला.
राज्यातील इतर महापौरांनाही अशाच धमक्या आल्याचा दावा
मुंबईच्या महापौर रितू तावडे यांना मंगळवारी सकाळी बॉम्बस्फोटाची धमकी देणारा ईमेल प्राप्त झाला. या घटनेनंतर प्रशासनाने तातडीने सुरक्षा यंत्रणा सक्रिय केली असली तरी महापौरांनी आपले नियोजित कामकाज सुरूच ठेवले. रितू तावडे यांनी दिलेल्या माहितीनुसार, सकाळी सुमारे ९.२० वाजता त्यांना धमकीचा ईमेल आला. याबाबत महानगरपालिकेच्या आपत्कालीन व्यवस्थापन कक्षाने आणि त्यानंतर पोलिसांनी तात्काळ माहिती दिली. मात्र जनतेची कामे आणि आधीच ठरलेल्या महत्त्वाच्या बैठका रद्द न करता त्या नियोजित कार्यक्रमानुसार महानगरपालिका मुख्यालयात दाखल झाल्या.
‘कर्तव्याला नेहमीच पहिले प्राधान्य आहे आणि राहील,’
या प्रकरणात पोलीस आणि महानगरपालिका प्रशासन आवश्यक ती कायदेशीर आणि तांत्रिक कारवाई करत असल्याचे सांगत त्यांनी आपल्या सुरक्षेबाबत प्रशासनावर पूर्ण विश्वास व्यक्त केला. वाहन, कार्यालय आणि वैयक्तिक सुरक्षेसंदर्भातील सर्व बाबींची तपासणी आणि आवश्यक उपाययोजना केल्या जातील, असेही त्यांनी नमूद केले.
धमक्यांमुळे आपण घाबरणार नसल्याचे सांगताना रितू तावडे म्हणाल्या की, यापूर्वीही काही संवेदनशील विषयांवर कारवाई करताना त्यांच्यावर दबाव आणण्याचा प्रयत्न झाला होता. मात्र त्यावेळीही त्या झुकल्या नाहीत आणि पुढेही झुकणार नाहीत. तसेच केवळ मुंबईतच नव्हे, तर राज्यातील इतर काही शहरांच्या महापौरांनाही अशाच प्रकारच्या धमक्या आल्याची माहिती मिळाल्याचे त्यांनी सांगितले. त्यामुळे या संपूर्ण प्रकरणामागे काही मोठे कटकारस्थान असण्याची शक्यता नाकारता येत नसल्याचेही त्यांनी म्हटले.
‘दोषींवर कठोर कारवाई होईल’
राज्याच्या गृह खात्यावर पूर्ण विश्वास असल्याचे सांगत या प्रकरणाचा छडा लावून दोषींवर कठोर कारवाई होईल, असा विश्वास त्यांनी व्यक्त केला. “मुंबईकरांच्या हितासाठी माझे काम सुरूच राहील. अशा धमक्यांमुळे मुंबईच्या विकासाचा आणि सुरक्षेचा वेग कमी होणार नाही,” असेही त्यांनी स्पष्ट केले.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा