बदलापूरकरांसाठी आता मोठी बातमी समोर आली आहे. मेट्रो 14ला आता वेग मिळात असून हा प्रकल्प दोन टप्प्यांत पूर्ण करण्याची तयारी आहे. पहिल्या टप्प्यात शीळफाटा ते बदलापूर मार्गाला प्राधान्य मिळण्याची शक्यता आहे.
दुसऱ्या टप्प्यात ठाणे खाडीखालून कांजूरमार्गपर्यंत विस्तार
मुंबई महानगर प्रदेशातील महत्त्वाच्या मेट्रो प्रकल्पांपैकी एक असलेल्या मेट्रो 14 ला नव्याने गती देण्याचा प्रयत्न सुरू झाला आहे. प्रकल्पाची अंमलबजावणी टप्प्याटप्प्याने करण्याचा पर्याय समोर आला आहे. पहिल्या टप्प्यात शीळफाटा ते बदलापूर हा सुमारे 25 किलोमीटरचा मार्ग विकसित केला जाऊ शकतो. या मार्गाचा काही भाग मेट्रो 12 अ मार्गिकेसोबत समांतर राहणार असल्याचीही माहिती समोर आली आहे.
या प्रस्तावित मार्गामुळे बदलापूर, निळजे, घणसोली, महापे आणि शीळफाटा परिसरातील नागरिकांना भविष्यात अधिक सक्षम सार्वजनिक वाहतूक सुविधा उपलब्ध होण्याची अपेक्षा आहे. वेगाने शहरीकरण होत असलेल्या या भागांतील प्रवाशांना याचा मोठा फायदा होऊ शकतो.
यापूर्वी हा प्रकल्प सार्वजनिक-खासगी भागीदारी अर्थात पीपीपी तत्त्वावर उभारण्याचा प्रयत्न करण्यात आला होता. मात्र अपेक्षित प्रतिसाद न मिळाल्याने तो पर्याय यशस्वी ठरला नाही. त्यामुळे आता अभियांत्रिकी, खरेदी आणि बांधकाम (ईपीसी) पद्धतीने प्रकल्प राबवण्याचा पर्याय पुढे आला आहे. यामुळे काम टप्प्याटप्प्याने पूर्ण करण्याचे नियोजन करण्यात येत आहे.
शीळफाटा ते कांजूरमार्ग आव्हानात्मक
दुसऱ्या टप्प्यात शीळफाटा ते कांजूरमार्ग हा महत्त्वाचा मार्ग विकसित करण्याचा प्रस्ताव आहे. मात्र हा टप्पा तुलनेने अधिक आव्हानात्मक मानला जात आहे. कारण या मार्गासाठी ठाणे खाडीखालून मेट्रो मार्ग विकसित करावा लागणार आहे. पर्यावरणीय मंजुरीसह विविध तांत्रिक प्रक्रियांमुळे या टप्प्यासाठी अधिक वेळ लागू शकतो.
दरम्यान, प्रकल्पाची आर्थिक व्यवहार्यता, संभाव्य प्रवासी संख्या आणि तांत्रिक शक्यता यांचा सविस्तर अभ्यास करण्यासाठी सल्लागार समिती नियुक्त करण्याची तयारी सुरू आहे. या समितीच्या अहवालानंतर अंतिम आराखडा निश्चित केला जाईल आणि पुढील निर्णय घेतले जातील.
मेट्रो 14 प्रकल्प प्रत्यक्षात आल्यास बदलापूर आणि आसपासच्या परिसरातील नागरिकांच्या प्रवासाला नवी दिशा मिळण्याची अपेक्षा आहे. तसेच पूर्व उपनगर, ठाणे आणि नवी मुंबईदरम्यानची प्रवासी व्यवस्था अधिक सक्षम होण्यास मदत होणार आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा