समिना आफिस इनामदार ऊर्फ समिना पठाण (वय २५, रा. म्हाळुंगे) असे गुन्हा दाखल झालेल्या तरुणीचे नाव आहे. या प्रकरणी लष्कर पोलिस ठाण्यात कार्यरत असलेले सहायक पोलिस फौजदार महेश भगवान शिंदे यांनी तक्रार दिली आहे.

Pune Rave Party: पुण्यात ‘रेव्ह पार्टी’वर पोलिसांचा छापा; तुळापूर येथील फार्महाउसवर पहाटेपर्यंत धिंगाणा, 78 जणांवर गुन्हा
लष्कर पोलिसांनी दिलेल्या माहितीनुसार, शिंदे काही कामानिमित्त संबंधित क्लिनिकमध्ये गेले होते. त्या वेळी समिना इनामदार या खाकी वर्दी परिधान करून तेथे आल्या. मात्र, त्यांच्या गणवेशावरील नावाची पाटी नियमानुसार उजव्या बाजूला असणे अपेक्षित असताना ती डाव्या बाजूला लावलेली होती. त्यामुळे शिंदे यांना संशय आला.

ड्युटीवरून आल्याचा बनाव
संबंधित महिलेने शिंदे यांच्याकडे येऊन डॉक्टरांकडे आपला नंबर लावून देण्याची विनंती केली. त्यानंतर शिंदे यांनी त्यांना त्या कोणत्या पोलिस ठाण्यात कार्यरत आहेत, अशी विचारणा केली. त्यावर त्यांनी आपण बाणेर पोलिस ठाण्यात कार्यरत असून, रात्रपाळीची ड्युटी पूर्ण करून थेट क्लिनिकमध्ये आल्याचे सांगितले.

Pune Crime : पुण्याच्या वेशीवर हाऊस पार्टीचे कल्चर, पोलिसांपासून वाचण्यासाठी कमालीची गुप्तता, फक्त 5 तास आधी लोकेशन जाहीर
त्यामुळे बळावला संशय
त्यांच्या उत्तरातील विसंगतीमुळे संशय अधिक बळावला. यानंतर शिंदे यांनी लष्कर पोलिस ठाण्यातील महिला पोलिस कर्मचाऱ्यांना बोलावून संबंधित महिलेची अधिक चौकशी केली. चौकशीदरम्यान ती कोणत्याही पोलिस विभागात कार्यरत नसल्याचे स्पष्ट झाले; तसेच ती खोटी ओळख सांगून पोलिस उपनिरीक्षक असल्याचा बनाव करत असल्याचे निष्पन्न झाले. त्यामुळे शिंदे यांनी लष्कर पोलिस ठाण्यात तक्रार दाखल केली. पोलिसांकडून अधिक तपास सुरू आहे.

पोलिसात भरती होण्याची इच्छा अपूर्ण
प्राथमिक चौकशीत समिना बारावी उत्तीर्ण असल्याचे समोर आले आहे. तिला पोलिस दलात भरती होण्याची इच्छा होती. मात्र, ते शक्य झाले नसल्याने खाकी वर्दीविषयी आकर्षण निर्माण झाले होते, अशी माहिती तपासात पुढे आली आहे; तसेच संजीवन स्किन क्लिनिकमध्ये उपचारासाठी रुग्णांना अनेक दिवस प्रतीक्षा करावी लागते. त्यामुळे स्वतःला पोलिस अधिकारी असल्याचे भासवून लवकर नंबर मिळविण्याच्या उद्देशाने त्यांनी खाकी वर्दीचा वापर केल्याची शक्यता पोलिसांनी व्यक्त केली आहे. या प्रकरणी समिना इनामदारविरुद्ध गुन्हा दाखल करण्यात आला आहे.