‘रक्कम गुंतवा आणि ४५ मिनिटांत चौपट मिळवा’ अशी जाहिरात बँक अधिकाऱ्याच्या नजरेस पडली आणि त्याला मोह आवरला नाही. गुंतवणुकीची रक्कम पाच हजारांपासून तीन लाखांपर्यंत रक्कम कधी पोहोचली, हे त्याला कळलेच नाही. नंतर मात्र डोळे उघडले आणि आपण फसत आहोत, याची जाणीव बँक अधिकाऱ्याला झाली.

Illegal Gender Detection Racket: ‘गर्भलिंग’ रॅकेटमागे एकच सूत्रधार; तीन जिल्ह्यांतील कारवायांत नरेंद्र ठाकरेचे नाव समोर
पोलिसांनी दिलेल्या माहितीनुसार, कुरार व्हिलेज परिसरात वास्तव्यास असलेला २८ वर्षीय राकेश हा एका अग्रगण्य बँकेत अधिकारी पदावर कार्यरत आहे. २५ मे रोजी रात्रीच्या सुमारास रिया ठाकूर नावाच्या तरुणीकडून राकेशला टेलिग्रामवर एक संदेश आला. ‘कितीही रक्कम गुंतवा आणि ४५ मिनिटांत चार पटीने पैसे परत मिळवा’, असे या संदेशात नमूद करण्यात आले होते. या संदेशातील लिंकवर क्लिक करताच एका क्रमांकाचे व्हॉट्सॲप सुरू झाले. राकेशने या योजनेबाबत विचारले असता, समोरील व्यक्तीने पाच हजार गुंतविल्यास ४५ मिनिटांत २० हजार रुपये मिळतील, असे सांगितले आणि एक स्कॅनर पाठवला. राकेशने त्या स्कॅनरवर पाच हजार रुपये पाठविले आणि ४५ मिनिटे वाट पाहिली. दिलेला कालावधी संपला तरी पैसे न मिळाल्याने राकेश याने समोरील व्यक्तीला फोन केला असता, आता रात्रीची वेळ असल्याने सर्व्हर डाऊन आहे, उद्या सकाळी पैसे मिळतील असे सांगण्यात आले.

Mumbai Watermelon Deaths : ना चमचे-प्लेट, ना बिर्याणी, ना उंदीरनाशक; कशातही झिंक फॉस्फाईड नाही, डोकाडिया मृत्यू प्रकरणी पोलिसांसमोर चार नवे अँगल
दुसऱ्या दिवशी सकाळी रिया ठाकूर हिचा संदेश आला की तुमची २० हजार ही रक्कम वाढून आता ६९,००० रुपये झाली आहे. ही रक्कम मिळविण्यासाठी तुम्हाला १२,५२१ रुपये भरावे लागतील. राकेश याने ही रक्कमही पाठवली. त्यानंतर पुन्हा अन्य एका व्यक्तीने संदेश पाठवला की रक्कम आणखी वाढली आहे, कर भरल्याशिवाय पैसे मिळणार नाहीत. समोरील व्यक्ती वेगवेगळी कारणे सांगू लागली आणि त्यांच्या बोलण्यावर विश्वास ठेवत राकेश पैसे पाठवत राहिला. सुमारे तीन लाख पाठविल्यानंतरही वेगवेगळी कारणे पुढे करून पैसे मागितले जात असल्याने आपण फसल्याचे राकेश यांना कळून चुकले.