Pune IT Scam: पुण्यातील हिंजवडी येथील थिंक टेक्नॉलॉजी इंडिया कंपनीकडून नोकरी, इंटर्नशिप आणि स्टायपेंडचे आमिष दाखवून शेकडो तरुणांची फसवणूक करण्यात आली आहे. कंपनीच्या सीईओला अटक करण्यात आली आहे.
कॅम्पस प्लेसमेंटमधून दिली नोकरीची ऑफर
हिंजवडी फेज-२ येथील ‘थिंक टेक्नॉलॉजी इंडिया’ या कंपनीने राज्यातील अनेक अभियांत्रिकी आणि आयटी महाविद्यालयांशी संबंध असल्याचा दावा केला होता. कॅम्पस प्लेसमेंटद्वारे विद्यार्थ्यांना ऑफर लेटर देण्यात आले. दोन महिन्यांचे प्रशिक्षण, त्यानंतर सहा महिन्यांच्या प्रशिक्षण कालावधीत दरमहा १५ हजार रुपये मानधन आणि एका वर्षानंतर पक्की नोकरी देण्याचे आश्वासन देण्यात आले होते.
मात्र काही महिन्यांनंतर कंपनीने टाळाटाळ सुरू केली. अखेरीस कंपनीचे कामकाजच बंद झाल्याने अनेक तरुणांचे करिअर अडचणीत आले.
८० हून अधिक तक्रारी
आतापर्यंत ८० जणांनी पोलिसांकडे लेखी तक्रार दिली आहे. या तक्रारींवरून हिंजवडी पोलिसांनी हर्षल ठाकरे याच्याविरोधात भारतीय न्याय संहितेतील ३१६(२), ३१८(४) कलमांनुसार गुन्हा दाखल केला आहे. तक्रारी समोर आल्यानंतर आरोपी नाशिकला पळून गेला होता. त्याने मोबाईलही बंद केला होता. मात्र पोलिसांनी त्याचा शोध घेऊन अटक केली.
Maval MIDC: पुणे-मुंबई एक्स्प्रेसवे होणार उद्योगांचा महामार्ग! मावळात 1100 एकरांवर नवी MIDC, भूसंपादन जोरात, एकरी दर किती?
प्रशिक्षणार्थींकडून लॅपटॉपच्या नावाखाली वसुली
तपासादरम्यान आणखी एक धक्कादायक बाब समोर आली. प्रशिक्षणार्थींना लॅपटॉप देण्याच्या नावाखाली प्रत्येकाकडून १५ हजार रुपये जमा करण्यात आले होते. पोलिसांच्या माहितीनुसार हे लॅपटॉप कंपनीचे नव्हते. विविध कॉन्ट्रॅक्टरकडून ते घेण्यात आले होते. हर्षल ठाकरे याने सुमारे पाच कॉन्ट्रॅक्टरकडून ३५० लॅपटॉप घेतल्याची माहिती समोर आली आहे. एका कॉन्ट्रॅक्टरने साडेआठ लाख रुपयांची फसवणूक झाल्याची तक्रार दिली आहे.
आणखी दोघे आरोपी फरार
या प्रकरणातील कंपनीची अधिकारी सौम्या सिंह आणि व्यवस्थापक ध्रुविल पारेख हे सध्या फरार आहेत. दोघांचे मोबाईल बंद असून पोलिस त्यांचा शोध घेत आहेत. दरम्यान, हजारो स्वप्ने घेऊन पुण्यात आलेल्या तरुणांची फसवणूक झाल्याने आयटी क्षेत्रात मोठी खळबळ उडाली आहे. पोलिसांकडून प्रकरणाचा अधिक तपास सुरू आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा