म. टा. वृत्तसेवा, नाशिकरोड: खासदार निधीतून दहा कोटी रुपये खर्चून तयार करण्यात आलेल्या सिन्नर फाटा ते गाडेकरमळा दरम्यानच्या जवळपास दीड किलोमीटर लांबीच्या साडेसात मीटर रुंदीच्या दोन सर्व्हिस रोडचा दोन वर्षांतच रिंगरोडच्या नावाखाली बळी देण्यात आल्याचा प्रकार नाशिकरोड येथे घडला आहे.
विशेष म्हणजे, हे दोन्ही रस्ते पूर्णतः खणून काढण्यात आले असून, संपूर्ण रिगरोड देखील वीस मीटर पूर्वेस सरकविण्यात आला आहे. परिणामी, संपूर्ण दहा कोटीचा खर्च वाया गेला असून, पालिका आयुक्तांच्या नजरेत हा प्रकार का आला नाही, असा सवाल स्थानिक नागरिकांनी उपस्थित केला आहे.
Nashik Crime: महिलांच्या टोळीने लुटले वृद्धेचे दागिने; पिण्याच्या पाण्यातून दिले गुंगीचे औषध, नाशिक जिल्हा रुग्णालयाबाहेरील घटना
गाडेकर मळा ते सिन्नर फाटा दरम्यान तत्कालीन खासदार हेमंत गोडसे यांच्या १० कोटी रुपयांच्या निधीतून साडेसात मीटर रुंदीचे जवळपास दीड किमी लांबीचे दोन सर्व्हिस रोड तयार करण्यात आले होते. नैसर्गिक नाल्यांवर पुलाची कामेही पूर्ण झालेली होती. विशेष म्हणजे या रस्त्यांच्या दुतर्फा लेआउट झालेले नव्हते. कोणीही वास्तव्यासदेखील नव्हते. असे असतानाही येथे दोन सर्व्हिस रोडवर १० कोटी रुपयांचा निधीही खर्च झाला होता. या रस्त्यामुळे या ठिकाणच्या जमिनींचे मूल्यही काही पटींनी वाढले होते.
आता या ठिकाणी पालिकेने बाह्य रिंगरोड प्रस्तावित केल्याने हे दोन्हीही सर्व्हिसरोड खणून काढण्याचे काम हाती घेण्यात आले आहे. परिणामी, जनतेच्या १० कोटी रुपयांचा निधीही वाया गेला आहे. या ठिकाणी आता बाह्य रिंगरोड होणार असून, हा रिंगरोड देखील पूर्वेस सरकविण्यात आला आहे.
त्र्यंबकराजाच्या ‘विराम दर्शना’साठी मोजा अडीच हजार! दर्शनाचा काळाबाजार रोखण्यासाठी विश्वस्त मंडळाचा अजब प्रस्ताव; नव्या वादाची चिन्हे
पालिकेचा दावा वेगळाच
या ठिकाणी डीपी रोड प्रस्तावित होता. त्याच्या दोन्ही बाजूंनी पालिकेनेच सर्व्हिस रोड तयार केले होते. अतिक्रमण होऊ नये या उद्देशाने अगोदर दोन्ही सर्व्हिस रोडची कामे पालिकेने स्वखर्चातून केली. खडीकरणही पालिकेने केले. मात्र, येथे रिंगरोड प्रस्तावित झाल्याने डांबरीकरण थांबविल्याची माहिती पालिकेच्या बांधकाम विभागाच्या अधिकाऱ्याने ‘मटा’ला दिली. या दाव्यामुळे या रस्त्याच्या कामातील गौडबंगाल आणखी वाढले आहे.
Nashik Crime : मॉडर्न मुलगी अचानक पंजाबी ड्रेसमध्ये, विशिष्ट महिन्यात उपवास, कुटुंबाला संशय, ‘द नाशिक स्टोरी’चा कॉलेजपासूनचा प्रवास उघड
माझ्या खासदार निधीतून १० कोटी रुपये खर्चुन दोन सर्व्हिसरोड तयार करण्यात आले होते. हे रस्ते कायम ठेवून रिंगरोड करणे अपेक्षित होते. हे रस्ते काढण्याची गरज नव्हती. – हेमंत गोडसे, माजी खासदार
दोन्ही रस्ते खणून टाकल्याने दहा कोटी रुपये वाया गेले. पालिकेकडून करदात्यांच्या पैशांची अशी उधळपट्टी का केली जात आहे? ‘आंधळे दळते अन् कुत्रे पीठ खाते’ असा हा प्रकार आहे. – बाजीराव भागवत, माजी नगरसेवक
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा