Swargate-Katraj Metro: कात्रज जंक्शन मुंबई-पुणे महामार्गाला मुंबई-बंगळुरू बायपासशी जोडतो तसेच, मुंबई-बंगळुरू बायपासवर चांदणी चौक स्थानक असेल. या दोन्ही स्थानकांपर्यंत मेट्रोचा विस्तार होणार आहे.
भुयारी मेट्रोतून पुणे प्रवास
पीसीएमसी ते स्वारगेट, पुणे मेट्रो लाइन 1चा विस्तार सुरू आहे. स्वारगेटते कात्रज मार्गावर कामाला सुरूवात झाली आहे. हा मार्ग पूर्णपणे भुयारी असून शहराच्या अंतर्गत भागांखालून प्रवास शक्य होणार आहे. त्याशिवाय, मेट्रो लाइन 2, रामवाडी ते वनाझ धावते. या मेट्रोचा वनाझ ते चांदणी चौकपर्यंत विस्तार होणार आहे. ही मार्गिका पूर्णपणे उन्नत असेल. सध्या एकूण आठ नव्या स्थानकांचं काम सुरू आहे. यापैकी स्वारगेट ते कात्रजपर्यंत 4 स्थानकं आहेत ( मार्केट यार्ड, बिब्वेवाडी, पद्मावती, बालाजीनगर आणि कात्रज).
‘सुपर हायवे’ पुन्हा लांबणीवर; निधीअभावी Mumbai-Pune Expresswayचं दहापदरीकरण रखडणार, 16 हजार कोटी रुपयांचा खर्च अपेक्षित
मेट्रो लाइन 1वरील कात्रज स्थानक जंक्शन असेल. पाच स्थानकांपैकी सर्वात शेवटचं स्थानक असून हे पुणे-मुंबई महामार्गाला मुंबई-बंगळुरू बायपास आणि कात्रज-कोंढवा रस्त्यापर्यंत जोडेल. या भुयारी मार्गाचं काम कात्रज येथील पीएमपी बस थांब्याच्या ठिकाणीच होत आहे. त्यामुळे त्या ठिकाणांवरील तीन बस थांबे हलवण्यात आले आहेत. शिवाय मार्गावरील वाहनांची वाहतूकही वळवली आहे. पीसीएमसी ते स्वारगेच मेट्रो लाइन गेल्या अनेक वर्षांपासून कार्यरत असून यावरती आता स्थानकांची वाढ होणार आहे.
बसचे मार्ग वळवले
भुयारी मार्गाचं काम सध्या सुरू आहे. त्यामुळे मार्केट यार्ड आणि बिब्वेवाडी स्थानकांच्या परिसरातील वाहतूक वळवळी आहे. बसचे मार्गही बदलण्यात आले आहेत. त्यामुळे काही काळ नागरिकांना गैरसोय होऊ शकते. स्वारगेट आणि कात्रज येथील भुयारी स्थानकांसाठी दोन टीबीएम तयार करण्यात येणार आहेत. त्यानंतर कात्रज मार्गावर विस्तार सुरू होईल. पुढील काही महिन्यात हे काम सुरू होण्याची शक्यता आहे.
Pune Metro: ‘फेज 2’अंतर्गत पुण्यात मेट्रोचा विस्तार होणार; 22 किमी लांब डबल-डेकर उड्डाणपुलांचा समावेश, कुठे-कसे असतील मार्ग?
या मेट्रो मार्गाच्या बांधकामासाठी महा मेट्रो आणि पीएमपी प्रशासन एकत्रपणे काम करत आहेत. पीएमपी बस थांब्यांसह बीआरटीएस बस थांबेही तात्पुरत्या स्वरुपात बंद करण्यात आले आहेत. बाजूला असलेल्या पदपथावर हे थांबे वळवण्यात आले आहेत. शिवाय मुंबई-बंगळुरू बायपास जवळ असलेल्या चांदणी चौकापर्यंत रामवाडी ते वनाझ मेट्रो लाइन 2चा विस्तार करण्यात येत आहे. हा मार्ग 2028पर्यंत पूर्ण करण्याचं महा मेट्रोचं उद्दिष्ट आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा