श्रीराम मधु सरुनवर (वय २०, रा. तोणवाला, आमला, मध्य प्रदेश) असे अटक करण्यात आलेल्या आरोपीचे नाव आहे. याबाबत २१ वर्षीय तरुणीने दिलेल्या तक्रारीवरून बंडगार्डन पोलिस ठाण्यात गुन्हा दाखल करण्यात आला आहे.

Pune Job Fraud: पुणे महापालिकेत बनावट भरती; युवकांची आर्थिक फसवणूक झाल्याचा विजय कुंभार यांचा आरोप
पोलिसांच्या माहितीनुसार, आरोपी आणि पीडित तरुणी नातेवाइक असून, दोघेही मध्य प्रदेशातील रहिवासी आहेत. त्यांच्यात पूर्वी प्रेमसंबंध होते. मात्र, २०२५ मध्ये दोघांमध्ये वाद झाल्यानंतर तरुणीने त्याच्याशी संबंध तोडले होते. त्यानंतरही श्रीराम तिचा सतत पाठलाग करीत होता. त्रास असह्य झाल्याने तरुणीने मध्य प्रदेशात त्याच्याविरोधात तक्रारही दाखल केली होती. त्यामुळे आरोपी तिच्यावर चिडून होता. दरम्यान, भोपाळमध्ये काम करीत असताना तरुणीची ओळख आदर्श पांडे याच्याशी झाली आणि त्यांच्यात प्रेमसंबंध निर्माण झाले. ही बाब समजल्यानंतर आरोपी दोघांनाही धमक्या देत होता. काही महिन्यांपूर्वी तरुणी आणि आदर्श पुण्यात येऊन ताडीवाला रस्ता परिसरात लिव्ह-इनमध्ये राहत होते. दोघेही ‘द मिलर रेस्टॉरंट बार’ मध्ये काम करीत होते. आरोपी वारंवार फोन करून ‘तू माझी नाही तर कोणाचीच नाही,’ अशी धमकी देत असल्याचे तपासात समोर आले आहे.

घटनेच्या रात्री काम आटोपून तरुणी आणि आदर्श हे दोघे घरी जात असताना जनता विद्यालयाजवळ आरोपीने त्यांना अडवले. त्यानंतर त्याने थेट तरुणीच्या अंगावर अॅसिड फेकले. आदर्शने मध्यस्थी करण्याचा प्रयत्न केला असता त्याच्यावरही अॅसिड फेकण्यात आले. या हल्ल्यात तरुणीच्या पाठीवर, हातांवर आणि पायांवर गंभीर जखमा झाल्या असून, ती जागीच कोसळली. हल्ल्यानंतर आरोपीने घटनास्थळावरून पळ काढला.

Accident News: मुंबई-पुणे एक्स्प्रेस वेवर भीषण अपघात; स्कोडा कारचा चक्काचूर, दोघांचा जागीच मृत्यू, एक गंभीर
चकवा देण्यासाठी आरोपीने बदलले कपडे
स्थानिक नागरिक आणि पोलिसांच्या मदतीने दोघांनाही तत्काळ ससून रुग्णालयात दाखल करण्यात आले. त्यानंतर गुन्हे शाखा आणि बंडगार्डन पोलिसांनी आरोपीचा शोध सुरू केला. सीसीटीव्ही फुटेज तपासताना आरोपी रेल्वे स्थानकावरून चालुक्य एक्स्प्रेसने पसार झाल्याचे उघड झाले. पोलिसांची दिशाभूल करण्यासाठी त्याने प्रवासादरम्यान तीन वेळा कपडे बदलल्याची माहितीही तपासात समोर आली. खंडणीविरोधी पथकातील पोलिस कर्मचारी सुरेंद्र जगदाळे, नितीन मुंढे, कानिफनाथ कारखेले आणि तानाजी देशमुख यांच्या पथकाने आरोपीला हुबळी येथून ताब्यात घेतले. पोलिस निरीक्षक राम राजमाने आणि सुदर्शन गायकवाड यांच्या मार्गदर्शनाखाली ही कारवाई करण्यात आली.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा