Shivraj Motegaonkar: लातूरमधील RCC क्लासेसचे संचालक शिवराज मोटेगावकर NEET पेपरप्रकरणात CBIच्या ताब्यात आहेत. शेतकरी कुटुंबातून सुरू झालेला त्यांचा प्रवास, RCCचे नेटवर्क आणि आता पेपरफुटी प्रकरणातील आरोप यामुळे शिक्षण क्षेत्रात मोठी खळबळ उडाली आहे.
लातूरमध्ये वैद्यकीय प्रवेश परीक्षांच्या तयारीसाठी ‘लातूर पॅटर्न’ची मोठी ओळख आहे. याच शहरातून उभ्या राहिलेल्या RCC क्लासेसने गेल्या काही वर्षांत मोठे नेटवर्क तयार केले. NEET आणि JEE परीक्षांसाठी विद्यार्थ्यांना तयार करणारा विश्वासार्ह क्लास अशी RCCची प्रतिमा तयार करण्यात आली होती. मात्र आता याच क्लासचे नाव पेपरप्रकरणात समोर आल्याने शिक्षण क्षेत्रात खळबळ उडाली आहे.
४२ प्रश्न परिक्षेत आले
CBIच्या २८ अधिकाऱ्यांच्या पथकाने लातूरमध्ये दाखल होत शिवराज मोटेगावकर यांची तब्बल आठ ते दहा तास चौकशी केली. चौकशीदरम्यान काही संशयास्पद बाबी समोर आल्याने अखेर त्यांना ताब्यात घेण्यात आले. RCCच्या गेस पेपरमधील तब्बल ४२ प्रश्न NEET परीक्षेत आल्याचा दावाही तपासादरम्यान चर्चेत आला आहे.
शेतकरी कुटुंबातला जन्म
शिवराज मोटेगावकर यांचा जन्म लातूर जिल्ह्यातील रेणापूर तालुक्यातील सामान्य शेतकरी कुटुंबात झाला. घरची परिस्थिती बेताची असल्याने शिक्षणासाठी त्यांना संघर्ष करावा लागला. पुढील शिक्षणासाठी ते लातूरला बहिणीकडे राहायला आले. नांदेड येथील स्वामी रामानंद तीर्थ मराठवाडा विद्यापीठातून त्यांनी केमिस्ट्री विषयात पदव्युत्तर शिक्षण पूर्ण केले.
Shivraj Motegaonkar: 23 एप्रिललाच मोटेगावकरकडे होता नीटचा पेपर! CBI तपासात कोणते मिळाले पुरावे?
होम ट्युशनने सुरुवात
महाविद्यालयीन शिक्षण घेत असतानाच त्यांनी होम ट्युशन सुरू केली होती. घरखर्च आणि शिक्षणाचा खर्च भागवण्यासाठी ते विद्यार्थ्यांना शिकवत होते. पुढे उमरगा आणि लातूरमधील महाविद्यालयांमध्ये तासिका तत्त्वावर प्राध्यापक म्हणून त्यांनी काम केले.
खासगी कोचिंगमध्ये शिकवणी
यानंतर त्यांनी ‘रेणुकाई कोचिंग क्लासेस’च्या माध्यमातून खासगी शिकवणी सुरू केली. सुरुवातीला केवळ केमिस्ट्री विषय शिकवणारे मोटेगावकर यांनी पुढे सर्व विषय एकाच ठिकाणी उपलब्ध करून देण्याची संकल्पना राबवली. त्यातूनच RCC पॅटर्नचा विस्तार झाला.
RCCचे नेटवर्क
गेल्या दोन दशकांत RCCने महाराष्ट्रात मोठे नेटवर्क उभे केले. लातूरसह नांदेड, छत्रपती संभाजीनगर, पुणे आणि इतर शहरांमध्ये RCCच्या शाखा सुरू झाल्या. कोरोना काळात ऑनलाईन शिक्षण आणि आक्रमक जाहिरातींच्या माध्यमातून RCCने आणखी विस्तार केला. आजघडीला या संस्थेमार्फत कोट्यवधींची उलाढालही होत असल्याची चर्चाही होत आहे. दरम्यान, NEET निकालांमध्ये मोठे यश मिळाल्याचे दावे करत क्लासेसने स्वतःची वेगळी ओळख निर्माण केली.
CBIकडून सखोल तपास
आता मात्र याच RCCचे नाव NEET पेपरप्रकरणात समोर आल्याने शिक्षण क्षेत्रात मोठी चर्चा सुरू झाली आहे. या प्रकरणात आणखी कोणाचे संबंध आहेत, किती विद्यार्थ्यांपर्यंत प्रश्नपत्रिका पोहोचली आणि या रॅकेटचे जाळे किती मोठे आहे, याचा तपास CBIकडून सुरू आहे.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा