Shivraj Motegaonkar Custody: NEET पेपरफुटी प्रकरणात RCC क्लासेसचा संचालक शिवराज मोटेगावकर याच्या अडचणी वाढल्या आहेत. CBIने दिल्ली कोर्टाकडून आता ९ दिवसांची कोठडी मिळवली आहे.
सीबीआयने न्यायालयात सांगितले की, शिवराज मोटेगावकर हा पेपरफुटी रॅकेटमधील सक्रिय सदस्य आहे. ३ मे रोजी झालेल्या नीट परीक्षेची केमिस्ट्री विषयाची प्रश्नपत्रिका मोटेगावकर यांच्याकडे तब्बल २३ एप्रिललाच पोहोचली होती, असा दावा तपास यंत्रणेने केला. ही प्रश्नपत्रिका विद्यार्थी आणि पालकांपर्यंत पैशांच्या मोबदल्यात पोहोचवण्यात आल्याचा आरोपही सीबीआयने केला आहे.
आरसीसी क्लासेसवर टाकलेल्या छाप्यात सीबीआयने मोबाईल, लॅपटॉप आणि काही प्रश्नसंच जप्त केले आहेत. तपासादरम्यान मोटेगावकर याच्या मोबाईलमध्ये संबंधित प्रश्नपत्रिका आढळून आली होती. मात्र, सीबीआयने तपास सुरू केल्यानंतर त्याने मोबाईलमधील डेटा डिलीट करून पुरावे नष्ट करण्याचा प्रयत्न केल्याचे न्यायालयात सांगण्यात आले. फॉरेन्सिक तपासातून हा डेटा पुन्हा मिळवण्यात आल्याची माहितीही समोर आली आहे.
Who Is Shivraj Motegaonkar: घर चालवण्यासाठी संघर्ष ते कोट्यवधींचे ‘RCC’चे साम्राज्य; CBIनं उचललेला शिवराज मोटेगावकर नेमका कोण?
सीबीआयने न्यायालयात आणखी काय सांगितले?
सीबीआयने न्यायालयात सांगितले की, या प्रकरणात देशभरातील विविध ठिकाणी छापेमारी करण्यात आली आहे. दिल्ली, जयपूर, गुरुग्राम, पुणे, नाशिक, लातूर आणि अहिल्यानगर येथे आतापर्यंत अनेक आरोपींना अटक करण्यात आली आहे. दलालांच्या माध्यमातून विद्यार्थ्यांपर्यंत प्रश्नपत्रिका पोहोचवल्या जात असल्याचाही आरोप करण्यात आला. काही कोचिंग क्लासेसमध्ये परीक्षेपूर्वीच विद्यार्थ्यांना संभाव्य प्रश्न समजावून सांगितले जात होते, असेही तपासात समोर आल्याचे सीबीआयने स्पष्ट केले.
इतर आरोपींशी मोटेगावकर याचे थेट संबंध
या प्रकरणात आधीच अटक करण्यात आलेले पी. व्ही. कुलकर्णी आणि मनीषा वाघमारे यांच्याशी मोटेगावकर याचे थेट संबंध असल्याचा दावा सीबीआयने केला. विशेष म्हणजे पी. व्ही. कुलकर्णी आणि शिवराज मोटेगावकर हे दोघेही लातूरमधील असून, त्यांनी मिळून पेपरफुटीचा कट रचल्याचा आरोप न्यायालयात करण्यात आला. या संपूर्ण रॅकेटमधील आर्थिक व्यवहार, प्रश्नपत्रिका पुरवठा आणि इतर आरोपींची भूमिका याचा तपास सुरू असल्याचे सीबीआयने स्पष्ट केले.
जुने व्हिडिओ सोशल मीडियावर व्हायरल
दरम्यान, मोटेगावकर याचे काही जुने व्हिडिओ सोशल मीडियावर व्हायरल झाले आहेत. या व्हिडिओंमध्ये ते आपल्या क्लासेसची आक्रमक पद्धतीने जाहिरात करताना दिसत आहेत. तसेच विद्यार्थ्यांकडून ‘मॉक टेस्टमधील प्रश्नच परीक्षेत आले’ अशा प्रतिक्रिया घेतानाचे व्हिडिओही चर्चेत आले आहेत. या सर्व पार्श्वभूमीवर न्यायालयाने शिवराज मोटेगावकरला नऊ दिवसांची सीबीआय कोठडी सुनावली असून, या प्रकरणाचा तपास आणखी वेगाने सुरू आहे.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा