Treasure Of Goddenss Tuljabhavani: मागच्या १५ वर्षांत महाराष्ट्राची कुलस्वामिनी श्री तुळजाभवानी मातेच्या चरणी भाविकांकडून दिल्या जाणाऱ्या देणग्यांमध्ये सातत्याने वाढत होत गेली आहे. मातेच्या चरणी भाविकांकडून श्रद्धेने सोने – चांदी अर्पण केले जात आहे.
तत्कालीन जिल्हाधिकारी डॉ. प्रवीण गेडाम यांनी मार्च २०१० मध्ये दानपेट्या सील केल्या, लिलाव पद्धत बंद केली. त्यानंतर १५ वर्षांत ती २५० किलोवर पोचली. त्यापूर्वी म्हणजे १९९१ ते २००९ या २० वर्षांत दानपेटीतील सोन्याची नोंद केवळ ४६ ग्रॅम असल्याची मंदिराची जुनी नोंद असल्याचे सांगितले जाते.
Crime News : भुकेनं व्याकूळ नऊ महिन्याचं लेकरु रडू लागलं, घरचे धावताच आईला बघून पायाखालची जमीन सरकली; छत्रपती संभाजीनगरमध्ये काय घडलं?
श्री तुळजाभवानी मंदिर संस्थानच्या धार्मिक विभागाकडून उपलब्ध अधिकृत माहितीनुसार मागच्या १५ वर्षांत २५३ किलो ३० ग्रॅम व ९० मिलिग्रॅम सोने, तर ४६१४ किलो ५२३ ग्रॅम ६५० मिलिग्रॅम चांदीचे दागिने देवीचरणी भाविकांनी अर्पण केल्याची नोंद आहे. एप्रिल २०१० ते मार्च २०२६ अखेर धार्मिक विभागाकडे जमा असलेल्या सोने, चांदीचे हे वजन आहे. या व्यतिरिक्त रोकड व अन्य मौल्यवान धातूंच्या वस्तूंची आकडेवारी वेगळी आहे.
तुळजाभवानी देवीजींच्या दर्शनासाठी दरवर्षी राज्यासह कर्नाटक, आंध्रप्रदेश, तेलंगण या लगतच्या राज्यांसह देशभरातून लाखो भाविक दर्शनासाठी येतात. परिणामी, भाविकांकडून देवीजींच्या चरणी सोने, चांदी, आभूषणे अर्पण करण्यातही वाढ झाली आहे. मंदिर प्रशासनाच्या नोंदीतून नवरात्रोत्सव, यात्राकाळ, धार्मिक सोहळे या कालावधी हे प्रमाण अधिक असल्याचे नमूद केले आहे. ऑक्टोबर, डिसेंबर व जानेवारीत ही वाढ लक्षणीय नोंदविली गेली. मागील तीन वर्षांत देवीच्या चरणी ५० किलो सोन्याचे दागिने अर्पण करण्यात आले आहेत.
Nida Khan : निदा खानला आश्रय, मतीन पटेल अडचणीत, राजकारण तापलं, थेट नगरसेवकपदच जाणार?
मागील तीन वर्षांतील नोंद
मागील तीन वर्षांत अर्पण केलेले एकूण दागिने- ५० किलो
सन २०२३-२४ मध्ये मिळालेले दागिने- सोने १६ किलो, चांदी २७० किलो
सन २०२४-२५ मध्ये मिळालेले दागिने- सोने १७किलो, चांदी २५५ किलो
गेल्या वर्षी मिळालेले दागिने- सोने १० किलो, चांदी २६७किलो
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा