Nagpur International Airport: पश्चिम आशियातील संघर्षामुळे तात्पुरती बंद करण्यात आलेली नागपूर ते दोहा विमानसेवेला परत सुरूवात होणार आहे. कतार एअरवेजने याबद्दल माहिती दिली.
कतार एअरवेजची ही विमाने दर मंगळवार, गुरुवार, शुक्रवार आणि रविवार अशी आठवड्यातून चार वेळा नागपूर ते दोहादरम्यान धावतील. यापूर्वी कतार एअरवेजची सेवा आठवड्यातून पाच दिवस सुरू होती. पश्चिम आशियातील तणावामुळे एअर अरेबिया आणि कतार एअरवेज या दोन्ही कंपन्यांनी आपली सेवा तात्पुरती स्थगित केली होती. आता ही सेवा पुन्हा सुरू झाल्याने नागपूर आणि परिसरातील प्रवाशांची गैरसोय दूर होणार आहे. या विमानसेवेचा मोठा लाभ व्यापारी, विद्यार्थी आणि आखाती देशांत कामासाठी जाणाऱ्या प्रवाशांना होणार आहे.
भाड्यामध्ये 35 टक्क्यांची वाढ
याव्यतिरिक्त अमेरिका, ब्रिटन आणि युरोपमध्ये जाणाऱ्या प्रवाशांसाठीही दोहामार्गे कनेक्टिव्हिटी सोयीची ठरणार आहे. थेट आंतरराष्ट्रीय विमानसेवेमुळे नागपूरकरांचे प्रवासाचे पैसे वाचणार आहेत, कारण आता त्यांना आठवड्यातून चार दिवस कतार एअरवेजचे उड्डाण आंतरराष्ट्रीय प्रवासासाठी मुंबई किंवा दिल्लीला जाण्याची गरज उरणार नाही. सेवा सुरू होत असली तरी, प्रवाशांना वाढीव तिकीट दराचा फटका बसण्याची शक्यता आहे. ट्रॅव्हल एजंट्सनी दिलेल्या माहितीनुसार, मध्य आशियातील संकट आणि विमानाच्या इंधन दरात झालेल्या वाढीमुळे आंतरराष्ट्रीय विमान प्रवासाचे दर २५ ते ३० टक्क्यांनी वधारले आहेत. विशेषतः नागपूर-दोहा आणि नागपूर-शारजाह मार्गावरील विमान भाडे सुमारे ३५ टक्क्यांनी वाढले आहे.
“दोहाला जाणारे प्रवासी मोठ्या प्रमाणात पश्चिमेकडे युरोप आणि अगदी अमेरिकेपर्यंत जातात.” ट्रॅव्हल एजंट्स असोसिएशन ऑफ इंडियाच्या (टीएएआय) नागपूर शाखेचे मानद सचिव राजू अकोलकर यांनी सांगितले की, सेवा पुन्हा सुरू केल्याने पुन्हा एकदा प्रवास सुलभ होईल. अकोलकर असेही म्हणाले की, प्रवाशांनी आधीपासूनच एजंट्सकडे दोहा फ्लाइटसाठी बुकींगसाठी चौकशीला सुरूवात केली आहे.
सेवेच्या विस्ताराची मागणी
“इतर देशांसाठी, विशेषत: पूर्वेकडील देशांशी कनेक्टिव्हिटी वाढवण्याची मागणी होत आहे. सिंगापूर, हाँगकाँग आणि थायलंड या भागांसाठी नागपूरमधून सेवा सुरू करावी, अशी मागणी एजंटांनी अनेकदा केले आहे. मात्र, नागपूर हे एक दुर्लक्षित क्षेत्र असल्याचे दिसते. एअरलाइन्सचे लक्ष मोठ्या शहरांवर असल्यामुळे ही परिस्थिती आहे. ऑपरेटर आधीच चेन्नई आणि अगदी हैदराबादपासून सुदूर पूर्वेकडे सेवा चालवतात. नागपूर विमानतळाच्या विस्तारामुळे अधिक विमान कंपन्यांना आकर्षित होण्याची शक्यता आहे,” असे अकोलकर म्हणाले.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा