शेवटच्या चिठ्ठीत डॉ. बंगांकडे क्षमायाचना

“अखेरच्या काही दिवसांत, डॉ. स्तुती सोनवणे हिने आपल्या आई, वडील, बहीण आणि डॉ. कुलविंदरसिंग बंगा यांच्याकडे क्षमायाचना केली असून माफी मागितली असल्याचे दिसून येते. यावरुन हेच अधोरेखित होते की, की डॉ. स्तुती ही डॉ. बंगा यांना पालकांसमानच दर्जा देत होती” असं अतिरिक्त सत्र न्यायाधीश जी. जी. भन्साळी यांनी नमूद केलं.

दोन महिन्यांपूर्वीचं आत्महत्या प्रकरण

आई, वडील आणि बहिणीसह राहणारी स्तुती मास्टर्स इन डेंटल सर्जरी करत होती. ९ मार्च रोजी डॉ. स्तुती सोनवणे तिच्या अँटॉप हिल येथील निवासस्थानी मृत अवस्थेत आढळली होती. सरकारी पक्षाने डॉ. बंगा यांना या प्रकरणात गोवण्याचा प्रयत्न केला होता. सुरुवातीला हे प्रकरण आत्महत्येला प्रवृत्त केल्याप्रकरणी दाखल करण्यात आले असले, तरी नंतर यात अनुसूचित जाती आणि अनुसूचित जमाती (अत्याचार प्रतिबंधक) कायद्यांतर्गत कलमांची भर घालण्यात आली.

शेवटच्या चिठ्ठीत फुझैलवर आरोप

या प्रकरणातील मुख्य आरोप हे अन्य आरोपी-फुझैल खान याच्यावर केंद्रित होते, असं न्यायालयाने नमूद केलं. त्याच्याशी स्तुतीचे प्रेमसंबंध होते. आपल्या मृत्यूपूर्वी लिहिलेल्या पत्रात तिने फुझैलच्या वर्तनामुळे तिला होत असलेल्या मानसिक त्रासाचे सविस्तर वर्णन केले होते. मात्र डॉ. बंगा यांच्याविरुद्ध तिने कोणतीही तक्रार केली नव्हती. उलटपक्षी त्या पत्रात तिने आपले आई-वडील, बहीण आणि डॉ. बंगा यांच्याकडे क्षमेची याचना केली होती.
Nida Khan : तुमच्या सुरक्षेचा आढावा घ्यायचाय; पोलिसांचं नगरसेवकांना आमंत्रण, MIM च्या मतीन पटेलवर ‘बॉम्ब’, निदा खान फ्लॅटवर सापडली

आदल्या रात्री काय घडलं होतं?

सोमवार ९ मार्च रोजी संध्याकाळी सात वाजता सोनवणे दाम्पत्य जेवायला बाहेर गेले, तेव्हा स्तुती घरी एकटीच रुममध्ये होती. तुझ्यासाठी काही खायला आणू का, असं आई बाबांनी विचारलं असता स्तुतीने नकार दिला होता. रात्री आई वडील जेवून घरी आले, तेव्हा त्यांना स्तुतीच्या खोलीतील लाईट चालू दिसला होता, मात्र ती अभ्यास करत असेल, या विचाराने त्यांनी तिच्या खोलीत डोकावणं टाळलं होतं.

दुसऱ्या दिवशी, सकाळचे १० वाजून गेले तरी स्तुती आपल्या रुममधून बाहेर न आल्यामुळे आई-वडील बुचकळ्यात पडले. त्यांनी दरवाजा तोडला तेव्हा नायलॉनच्या स्कार्फने गळफास घेतलेल्या अवस्थेत स्तुती खोलीत सापडली होती. दृश्य पाहून त्यांच्या पायाखालची जमीन सरकली.

स्तुतीच्या शेवटच्या चिठ्ठीत काय?

स्तुतीजवळ आढळलेल्या सहापानी चिठ्ठीत तिने बॉयफ्रेण्ड फैझुल याच्यावर अनेक आरोप केले होते. स्तुतीपेक्षा तीन वर्षांनी लहान, २१ वर्षांचा फैझुल मोहम्मद खान हा कायदे विषयातील पदवीधर आहे. तो इन्शुरन्स ब्रोकर म्हणून काम करतो. डेटिंग अॅपवर दोघांची भेट झाल्यानंतर ते रिलेशनशीपमध्ये अडकले होते.
Jitu Munda : 19 हजार 300 रुपयांसाठी बहिणीचा सांगाडा उकरुन बँकेत नेला, जितूच्या खात्यात आज 15 लाख रुपये, 12 दिवसात काय घडलं?
‘आम्ही एक वर्षाहून अधिक काळ एकत्र होतो, तेव्हा आम्ही अनेक आनंदी क्षण एकत्र घालवले, पण तो अनेकदा माझा अपमान करायचा. ‘तुझे शब्द खूप शक्तिशाली होते, आयुष्य संपवण्यासाठी ते पुरेसे ठरले आहेत. मी सुन्न झाली आहे. मला आशा आहे, तू आनंदी असशील. तुझ्या पुरुषी अहंकाराला समाधान मिळालं असेल’ असं स्तुतीने चिठ्ठीत लिहिलं होतं. एक दिवस तूही फ्रीजमध्ये सापडशील, असं मैत्रिणी चिडवत असल्याचंही तिने म्हटलं होतं.