Nashik Crime : नाशिक आणि छत्रपती संभाजीनगर या दोन्ही शहरांच्या पोलिसांनी संयुक्तपणे ‘ऑपरेशन सुरक्षा आढावा’ सुरू केल्यावर अवघ्या काही तासांत निदा खान हिला ताब्यात घेण्यात आले.
बहुराष्ट्रीय कंपनीतील पीडितेवर अत्याचार, विनयभंग आणि धर्मांतराच्या प्रयत्नाचा नाशिकच्या देवळाली कॅम्प पोलिसांत २६ मार्च रोजी पहिला गुन्हा दाखल झाल्यापासून निदा एजाज खान पसार होती. कंपनीतील विविध प्रकरणांत दाखल नऊ गुन्ह्यांत आठ संशयितांना अटक झाल्यानंतर निदाने नाशिकरोड न्यायालयात अटकपूर्व जामीन अर्ज दाखल केला. २ मे रोजी न्यायालयाने जामीन फेटाळल्याने तिच्या अडचणीत वाढ झाली.
संभाजीनगरला निदा लपल्याची माहिती
नाशिक शहराचे पोलिस आयुक्त संदीप कर्णिक यांनी विशेष तपास पथकाला (एसआयटी) तातडीने निदाला ताब्यात घेण्याची सूचना केली. तांत्रिक विश्लेषणानुसार छत्रपती संभाजीनगरातल्या एका फ्लॅटमध्ये निदा लपल्याचे स्पष्ट झाले. आयुक्त कर्णिक यांनी छत्रपती संभाजीनगरचे पोलिस आयुक्त प्रवीण पवार यांना कळविल्यानंतर तेथील गुन्हे शाखेनेही गोपनीय पद्धतीने कारवाई सुरू केली. दोन्ही शहरांच्या पोलिसांनी संयुक्तपणे ‘ऑपरेशन सुरक्षा आढावा’ सुरू केल्यावर अवघ्या काही तासांत निदाला ताब्यात घेण्यात आले.
Salil Ankola : पुण्यात राहत्या घरी आईची बॉडी सापडलेली, सलील अंकोला याला दीड वर्षांनीही सावरणं कठीण, डिप्रेशनमुळे पुनर्वसन केंद्रात
निदाच्या अटकेबाबत महत्त्वाचे मुद्दे
– संशयित मतीन याच्या मोबाइलवर एका क्रमांकावर संशयास्पद कॉल
– नियमित काही सेकंद बोलणे झाल्यावर संबंधित क्रमांक आठ-दहा तास बंद
– ‘त्या’ क्रमांकावरून निदा बोलत असल्याचे स्पष्ट; पोलिसांनी नारेगावातून केली अटक
– निदा तिच्या कुटुंबीयांसह नरेगावातील फ्लॅटमध्ये मुक्कामी; पती मात्र मुंब्रामध्ये
… असे फुटले बिंग
गुन्हा नोंद झाल्यापासून निदा खान मुंब्रामध्ये होती. तिच्या पतीचा एप्रिल महिन्यात ‘एसआयटी’ ने जबाब नोंदवला होता. पसार झालेल्या निदाबाबत ‘एमआयएम’च्या वरिष्ठ नेत्यांनी काही दिवसांपूर्वी निदासोबत संवाद झाल्याचे वक्तव्य केले. तेथून तपासाची सुई ‘एमआयएम’ भोवती फिरली. छत्रपती संभाजीनगरातील ‘एमआयएम’चा नगरसेवक संशयित मतीन माजिद पटेल याने निदाला आश्रय दिल्याचे पोलिसांना समजले. मंगळवारी (दि. ५) ‘एसआयटी’ चे एसीपी संदीप मिटके यांनी नाशिकहून दोन पथके रवाना केली. अतिसंवेदनशील कारवाईमुळे अतिरिक्त मदत मिळण्यासाठी ‘बॅकअप प्लॅन’ सह पथके सज्ज होती. कोणालाही संशय नको म्हणून छत्रपती संभाजीनगरातील बहुतांश नगरसेवकांना एकत्रित बोलवले.
Imtiyaz Jaleel | निदा खानची पाठराखण, शिरसाट, पडळकरांचे गंभीर आरोप, जलील काय म्हणाले?
पोलिसांचा वार, मतीन गपगार
सुरक्षेचा आढावा घेत असल्याचे सांगत बुधवारी (दि. ६) अनेकांशी पोलिसांनी चर्चा केली. खासगी सुरक्षारक्षक सोबत ठेवणारा मतीन हा असुरक्षिततेच्या भीतीपोटी पोलिसांच्या निमंत्रणानुसार तेथे पोहोचला होता. संशयित मतीनसमोर पोलिसांनी योग्य डाव टाकल्यावर निदाचा पत्ता सांगण्यावाचून कोणताही पर्याय त्याच्याकडे शिल्लक नव्हता. त्याने दिलेल्या महितीनुसार पुन्हा अंडरकव्हर पोलिसांनी संबंधित फ्लॅटमध्ये जात निदाला ताब्यात घेत तिला आश्रय दिल्यामुळे मतीनवर गुन्हा नोंदवला आहे.Mumbai Watermelon Death Case : डोकाडियांच्या मृत्यूचं कारण काय? पोलीस नवीन तंत्र वापरणार, काय असतं मानसिक शवविच्छेदन? त्या रात्री सोबत जेवलेले नातेवाईकही रडारवर
नाशिक आणि छत्रपती संभाजीनगर शहर पोलिसांनी केलेल्या संयुक्त कारवाईत संशयित निदा खान हिला नरेगावातून ताब्यात घेतले. तिला आश्रय दिलेल्या नगरसेवकालाही संशयित केले आहे. गुन्ह्यात सखोल तपासाचे आदेश दिले असून, सहभाग निष्पन्न होणाऱ्या प्रत्येकावर कारवाई होईल.
– संदीप कर्णिक, पोलिस आयुक्त
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा