काही दिवसांपूर्वी महिला आरक्षण विधेयक लोकसभेत नामंजूर झालं. त्यानंतर २१ एप्रिल रोजी भाजपकडून जन आक्रोश मोर्चाचं नियोजन केलं होतं. हा मोर्चा वरळीमध्ये आयोजित करण्यात आला होता. या मोर्चाचे नेतृत्व भाजप नेते आणि मंत्री गिरीश महाजन हे करत होते. यावेळी एका महिलेने महाजनांशी हुज्जत घातली होती. त्या घटनेचा व्हिडिओ मोठ्या प्रमाणात व्हायरल झाला होता. वाहतूक कोंडी होत असल्याने ही महिला प्रचंड संतापली होती. तिने हातातली बाटलीही भिरकावल्याचे व्हायरल व्हिडिओमध्ये दिसून येत होते. दरम्यान, या व्हिडिओमधील महिला कोण आहे याचीही प्रचंड उत्सुकता यावेळी अनेकांना लागली होती. तर आता याप्रकणातील महिला पहिल्यांदाच माध्यमांसमोर आली आहे. या महिलेचे नाव टीना चौधरी असे असून तिने त्या दिवशी नक्की घडलं तरी काय होतं याबद्दल सविस्तर भाष्य केलं आहे.