2008पासून काम रखडलं

18 वर्षांपूर्वी या समस्येवर तोडगा काढण्याचं नियोजन करण्यात आलं होतं. यासाठी उपनगरीय रेल्वे गाड्या आणि मेल/एक्सप्रेसचे विभाजन करून दोन्ही रेल्वेसाठी स्वतंत्र रेल्वे मार्ग बांधण्याची योजना तयार केली होती. 2008मधील या योजनेला अखेर चालना मिळत असून दोन्ही पश्चिम आणि मध्य रेल्वेवर दोन नव्या रेल्वे मार्गिका तयार करण्याच्या कामांना वेग मिळाला. यामुळे मध्य आणि पश्चिम रेल्वेवर पाचव्या आणि सहाव्या मार्गिकांच्या कामांना अखेर सुरूवात झाली आहे.Central Railway Megablock: मध्य रेल्वेवर आज 15 तासांचा ब्लॉक! आसनगाव–कसारा दरम्यान लोकल ठप्प; मेल-एक्स्प्रेसवर परिणाम

दोन्ही मार्गांवरील कामं सुरू असल्यामुळे पश्चिम आणि पूर्व उपनगरातील लोकल प्रवास सुखकर होणार आहे. मध्य रेल्वे मार्गावरील परेल ते पश्चिम रेल्वे मार्गावरील मुंबई सेंट्रलपर्यंत या मार्गिकांचा विस्तार होणार आहे. यापूर्वी दोन्ही मार्गांवरील उत्तर उपनगरांत विस्ताराच्या कामांना सुरूवात झाली होती. पण काही कारणांमुळे दक्षिणेतील भागाचं काम रखडलं होतं. त्यात जगातील सर्वाधिक गर्दी असलेल्या रेल्वे मार्गावर काम करणं सोपं नव्हतं. जमिनीचे प्रश्न, वाद आणि संरेखन बदल यासारख्या अनेक गुंतागुंतीमुळे हे काम रखडलं होतं.

कुठे-कसा होणार विस्तार?

“एप्रिल 2026 पर्यंत, कुर्ला येथील स्वदेशी मिल येथील भूसंपादनाचे अडथळे दूर करण्यात आले आहेत. बांधकामे पाडून कामांना सुरूवात करणे शक्य झाले आहे. प्रकल्पग्रस्तांपैकी 75 टक्के लोकांना स्थलांतरित करण्यात आले आहे आणि काम सुरळीतपणे सुरू आहे,” असे मध्य रेल्वेचे मुख्य जनसंपर्क अधिकारी डॉ. स्वप्नील निला यांनी सांगितले.

दरम्यान, पश्चिम रेल्वेचे जनसंपर्क अधिकारी विनीत अभिषेक यांनी देखील बोरिवली ते विरार दरम्यान पाचव्या व सहाव्या मार्गिकेचं काम प्रगतीपथावर सुरू असल्याची माहिती दिली आहे. “बोरिवली ते मुंबई सेंट्रल दरम्यान पाचवी मार्गिका तयार करणार असून वांद्रे टर्मिनस ते बोरिवली दरम्यान सहाव्या मार्गिकेचं काम अधीच सुरू झालं आहे. पश्चिम रेल्वेने आता खार ते मुंबई सेंट्रल दरम्यान सहावी मार्गिका उभारण्याचं काम हाती घेतलं आहे. 6 व्या मार्गाचे नियोजन केले गेले आहे आणि त्याच्या बांधकामासाठी प्राथमिक नियोजनाचे काम सुरू झाले आहे. एकदा हे काम पूर्ण झाल्यानंतर उपनगरीय आणि एक्स्प्रेस गाड्यांचे विभाजन करण्यास मदत होईल, असे अभिषेक म्हणाले.

Mumbai News: माहीम ते वांद्रे पुलामुळे उत्तर-दक्षिण प्रवास सोपा! मिठी नदी ओलांडून मार्ग; पश्चिम द्रुतगती महामार्गावर कोंडी फुटणार

कुर्ला ते परळदरम्यान विस्तार

याशिवाय एमयूटीपी – 2 चा भाग असलेल्या कुर्ला ते परळ पाचव्या व सहाव्या मार्गिकेसाठी भूसंपादन प्रक्रिया पूर्ण झाली आहे. त्यामुळे 2026पासून या प्रकल्पाचं काम सुरू झालं आहे. हा टप्पा 10 किलोमीटर लांब असेल. या प्रकल्पामध्ये एक नवं उन्नत हार्बर लाइन रेल्वे स्थानक तयार करण्यात येणार आहे. याशिवाय कुर्ला येथे एक नवा स्कायवॉक देखील उभारण्यात येईल.