ठाणे महापालिकेच्या प्रादेशिक आपत्ती व्यवस्थापन कक्षाने या अपघाताची माहिती दिली. वागळे इस्टेट येथून एक तरुणी आणि तीन तरुण कारने कार्यालयातून डोंबिवली पूर्व येथील घरी निघाले होते. मुंबई-नाशिक मार्गावरून जाताना मंगळवारी पहाटे ३.५५ वाजता खारेगाव येथील पेट्रोल पंपाजवळ कारचालक दीपक पटेकर (२६) याचे कारवरील नियंत्रण सुटले आणि कार रस्त्यावर उभ्या असलेल्या ट्रेलरला पाठीमागून जोरात धडकली. कार ट्रेलरखाली घुसून दीपक कारमध्ये अडकला होता.

Kalyan Accident: पाच वर्षांपूर्वीच कुंकू हिरावलं; कल्याण अपघातात 3 मुलांचाही करुण अंत, मातेचा काळीज चिरणारा आक्रोश
पोलिस, अग्निशमन दल, महापालिकेच्या आपत्ती व्यवस्थापन कक्षाचे पथक यांनी घटनास्थळी धाव घेतली. गंभीर जखमी झालेल्या दीपकला कारमधून बाहेर काढत कळव्यातील छत्रपती शिवाजी महाराज रुग्णालयात दाखल केले. डॉक्टरांनी तपासून त्याचा जागीच मृत्यू झाल्याचे घोषित केले. दीपक ठाण्यातील वागळे इस्टेटमधील अंबिका नगर परिसरात राहत होता. या अपघातामध्ये सुजय पाटील (२०), राज चिले (२१), सुगम जयस्वाल (२४), स्नेहल भूसेकर (२३) जखमी झाले असून चौघेही डोंबिवलीचे रहिवासी आहेत.
Maharashtra Heatwave: महाराष्ट्र तापला! पुढील चार दिवस धोक्याचे, हवामान विभागाकडून उष्णतेच्या लाटेचा इशारा
सुजय याच्यावर कळव्यातील रुग्णालयात प्राथमिक उपचार केल्यानंतर त्याला पुढील उपचारांसाठी नवी मुंबईतील घणसोली येथील रुग्णालयात हलवले. गंभीर जखमी राज आणि सुगम यांना ठाण्यातील ज्युपिटर रुग्णालयात दाखल करण्यात आले. किरकोळ जखमी असलेली स्नेहल हिच्यावर छत्रपती शिवाजी महाराज रुग्णालयात उपचार सुरू आहेत.

या अपघातामुळे मुंबई-नाशिक मार्गावरील वाहतूक धीम्या गतीने सुरू होती. अपघातग्रस्त कार क्रेनच्या मदतीने बाजूला करून वाहतुकीसाठी रस्ता मोकळा करण्यात आला. कळवा पोलिस अपघाताची चौकशी करत आहेत.