अंगावर स्लॅबचा भाग कोसळला

काही दिवसांपूर्वी सुनील अवरे यांच्या मोटारसायकलला अपघात झाला होता. त्यानंतर त्यांच्यावर अलिबागच्या जिल्हा रुग्णालयात उपचार सुरू होते. प्रकृतीत सुधारणा झाल्याने मंगळवारी दुपारी त्यांना रुग्णालयातून घरी सोडण्यात येणार होते. पहाटे सुमारे चारच्या सुमारास ते झोपेत असताना अचानक त्यांच्या अंगावर स्लॅबचा भाग कोसळला. या घटनेत त्यांच्या डोक्याला दुखापत झाली.

रुग्णालयातील सुरक्षेचा प्रश्न उपस्थित

रुग्णाच्या अंगावर स्लॅब कोसळून तो जखमी झाल्याच्या घटनेनंतर सुमारे पाच तास उलटूनही पोलिसांना याबाबत अधिकृत माहिती देण्यात आली नसल्याची चर्चा रुग्णालय परिसरात होती. याबाबत रुग्णालय प्रशासनाची अधिकृत भूमिका अद्याप स्पष्ट झालेली नाही. काही दिवसांपूर्वी एका राजकीय पक्षाच्या प्रवक्त्या चित्रलेखा पाटील यांनी जिल्हा रुग्णालयाला भेट देऊन रुग्णालयातील सुरक्षेचा प्रश्न उपस्थित केला होता.

Sangli Crime : पांढऱ्या द्रवाचा अंश अन् उग्र वास, पती-पत्नीचा एकामागून एक संशयास्पद मृत्यू, कदम कुटुंबावर शोककळा

धोकादायक इमारतींमध्ये होता समावेश

जून २०२६ मध्येही रुग्णालयाचा स्लॅब कोसळल्याची घटना घडली होती. तसेच २०२४ मध्ये अलिबाग नगरपालिकेने धोकादायक इमारतींना बजावलेल्या नोटिशीत जिल्हा रुग्णालयाचाही समावेश असल्याचे सांगण्यात आले होते. गेल्या काही वर्षांत रुग्णालयाच्या इमारतीवरकोट्यवधी रुपयेखर्च होऊनही बांधकामाच्या सुरक्षेबाबत प्रश्न कायम असल्याने या घटनेनंतर प्रशासनाच्या कारभारावर पुन्हा प्रश्नचिन्ह निर्माण झाले आहे.

Thane News : कळवा रुग्णालयात जेवणात सापडले झुरळ;अन्नाचे नमुने FDA कडे रवाना ,डेळ्यांच्या शस्त्रक्रियेसाठी दाखल असलेल्या रुग्णाच्या जेवणात आढळला हा प्रकार

त्रुटींची गांभीर्याने दखल घेण्याची मागणी

याशिवाय, रुग्णालयातील मंजूर १९४ पदांपैकी तब्बल ९९ पदे रिक्त असल्याची माहिती यापूर्वी समोर आली होती. विद्युत सुरक्षेचे ऑडिट झाले नसल्याचा मुद्दाही उपस्थित करण्यात आला होता. त्यामुळे रुग्णालयातील पायाभूत सुविधा, विद्युत सुरक्षा आणि मनुष्यबळ या तिन्ही पातळ्यांवरील त्रुटींची गांभीर्याने दखल घेण्याची मागणी होत आहे.