ऋतिका ही अंकुरची मावस बहीण होती. ती त्यांच्या घरी राहून देवरी येथे चौथ्या वर्गात शिक्षण घेत होती. अर्जुनी मोरगाव तालुक्यातील बोळदे येथे लग्न समारंभासाठी ते तिघे दुचाकीने देवरीहून जात होते. सायंकाळी ६.३०च्या – सुमारास नवेगाव बांध येथे अज्ञात वाहनाने त्यांच्या दुचाकीला मागून जोरदार धडक दिल्याने ते रस्त्यावर फेकले गेले.

Gondia School Accident: शाळेचा गेट कोसळून पाचवीत शिकणाऱ्या विद्यार्थिनीचा मृत्यू, मुख्याध्यापिकेचीच मुलगी दगावली, गोंदियात हळहळ
या भीषण अपघातात अंकुर व ऋतिका यांचा जागीच मृत्यू झाला, तर अरुणा शहारे या गंभीर जखमी झाल्या. त्यांना तत्काळ उपचारासाठी गोंदिया येथील शासकीय रुग्णालयात दाखल करण्यात आले. घटनेची माहिती मिळताच नागरिकांनी घटनास्थळी धाव घेऊन मदतकार्य केले. या घटनेमुळे परिसरात हळहळ व्यक्त होत आहे.

Nandurbar Crime : ‘हॉटेल सुरू ठेवण्याची हिम्मत कशी केली?’ नंदुरबारमध्ये ‘हॉटेल मंदाकिनी’च्या मॅनेजरला संपवलं
तर दुसऱ्या एका घटनेत, पूर्व द्रुतगती मार्गावर विक्रोळी येथे भरधाव डम्परने दिलेल्या धडकेत दुचाकीवरील दोघांचा रविवारी मृत्यू झाला. राम नारायण यादव आणि भीमाशंकर यादव अशी त्यांची नावे आहेत. भरधाव डम्परने सायंकाळी ५.३०च्या सुमारास एका दुचाकीला धडक दिली. यात दुचाकीवरील राम आणि भीमाशंकर हे दोघे गंभीर जखमी झाले. त्यांना पोलिसांनी अन्य तत्काळ राजावाडी रुग्णालयात नेले. मात्र, उपचारांपूर्वीच त्यांचा मृत्यू झाला. हे दोघेही साकीनाका येथे वास्तव्यास होते, अशी माहिती प्राथमिक चौकशीतून पुढे आली आहे. दरम्यान, डम्परचालकाविरोधात गुन्हा नोंदवण्यात आला असून, त्याला ताब्यात घेण्यात आले आहे. अपघात घडला त्यावेळी त्याने मद्यप्राशन केले होते का, हे वैद्यकीय अहवालातून स्पष्ट होईल, असे पोलिसांनी नमूद केले.