अंधेरी पश्चिम येथील आंबोली भागात एक संतापजनक प्रकार समोर आला असून, दोन पाळीव कुत्र्यांवर अत्याचार करणाऱ्या केअरटेकरला पोलिसांनी अटक केली आहे. सीसीटीव्ही कॅमेऱ्याची दिशा बदलून आरोपीने हे अघोरी कृत्य केले, महिलने लाईव्ह फीड पाहिल्यामुळे हा प्रकार उघडकीस आला आहे.
नेमकं प्रकरण काय?
अंधेरी पश्चिम येथील आंबोली परिसरात राहणाऱ्या एका महिलेकडे गेल्या तीन वर्षांपासून दोन पाळीव कुत्री आहेत. त्यांचा नेहमीचा कामाचा माणूस सुट्टीवर गेल्यामुळे त्यांनी ‘रंजन शाह’ नावाच्या 31 वर्षीय तरुणाला काही दिवसांसाठी केअरटेकर म्हणून कामावर ठेवले होते. 7 एप्रिल रोजी संबंधित महिला काही कामानिमित्त दिल्लीला गेल्या. मात्र, घराबाहेर असूनही त्यांचं लक्ष आपल्या लाडक्या कुत्र्यांकडे होतं.
सीसीटीव्हीमुळे गुन्ह्याचा उलगडा
मध्यरात्रीच्या सुमारास जेव्हा महिलेने मोबाईलवर घराचे सीसीटीव्ही फुटेज तपासले, तेव्हा त्यांना काहीतरी काळंंबेरं असल्याचा संशय आला. हॉलमधील कॅमेऱ्याची दिशा जाणीवपूर्वक बदलली होती. कुत्र्यांचे वागणेही नेहमीसारखे नव्हते. त्यांनी वेळ न घालवता तातडीने मुंबईत असलेल्या आपल्या ओळखीच्या व्यक्तींना आणि शेजाऱ्यांना फ्लॅटवर जाण्यास सांगितले.
Ashok Kharat Case : भोंदूबाबा अशोक खरातचा जेलमधील मुक्काम वाढला, न्यायालयाकडून 5 दिवसांची पोलीस कोठडी, सुनावणीदरम्यान काय घडलं?
आधी बनाव, नंतर गुन्हा कबूल
महिलेचे नातेवाईक आणि शेजारी जेव्हा फ्लॅटवर पोहोचले, तेव्हा केअरटेकर रंजन शाह याने आधी उडवाउडवीची उत्तरे दिली. “मी तर फक्त कुत्र्यांशी खेळत होतो,” असा बनाव त्याने रचला. मात्र, उपस्थितांनी त्याला पोलिसी खाक्या दाखवताच त्याने आपले तोंड उघडले. त्याने लहान कुत्र्याला चुकीच्या पद्धतीने स्पर्श केल्याची आणि मोठ्या कुत्र्यावर अत्याचार केल्याची कबुली दिली.
गुन्हा दाखल
या घटनेनंतर परिसरात संतापाची लाट उसळली आहे. पीडित कुत्र्यांच्या मालकिणीने दिल्लीहून परतल्यावर आंबोली पोलीस ठाण्यात रीतसर तक्रार दिली. पोलिसांनी आरोपी रंजन शाह याच्यावर ‘प्राण्यांवरील क्रूरता प्रतिबंधक कायद्या’च्या कलम 11 नुसार गुन्हा नोंदवून त्याला अटक केली आहे. सध्या पोलीस या प्रकरणाचा अधिक तपास करत असून, अशा विकृत मानसिकतेच्या माणसावर कडक कारवाई करण्याची मागणी प्राणीप्रेमींकडून होत आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा