बारामती तालुक्यातील माळेगाव येथे केबल दुरुस्त करताना वीजेचा तीव्र धक्का लागून ४५ वर्षीय व्यावसायिक राहुल उर्फ पप्पू जगताप यांचा दुर्दैवी मृत्यू झाला. गारपिटीमुळे तुटलेली वायर जोडत असताना ही घटना घडली. या घटनेमुळे माळेगाव परिसरात शोककळा पसरली आहे.
नेमकी घटना काय?
मिळालेल्या माहितीनुसार, माळेगाव परिसरात काल सायंकाळच्या सुमारास जोरदार वाऱ्यासह गारपीट झाली होती. या अवकाळी पावसामुळे अनेक ठिकाणच्या केबल वाहिन्या तुटल्या होत्या. राजे अमरसिंह कॉलनी येथील केबलची वायर तुटल्याने ती दुरुस्त करण्यासाठी राहुल जगताप तिथे गेले होते. वायर दुरुस्त करण्याचे काम सुरू असतानाच अचानक त्यामध्ये विद्युत प्रवाह उतरला. हा धक्का इतका तीव्र होता की राहुल जागीच कोसळले.
उपचारापूर्वीच मावळली प्राणज्योत
विद्युत धक्का लागल्यानंतर स्थानिक नागरिकांनी त्यांना तातडीने मदतीसाठी धावून येत प्रथम माळेगाव येथील रुग्णालयात नेले. मात्र, त्यांची प्रकृती चिंताजनक असल्याने डॉक्टरांनी त्यांना पुढील उपचारासाठी बारामतीला हलवण्याचा सल्ला दिला. दुर्दैवाने, बारामतीला नेत असताना वाटेतच त्यांची प्राणज्योत मालवली. रुग्णालयात पोहोचण्यापूर्वीच त्यांचा मृत्यू झाल्याने कुटुंबीयांवर मोठा आघात झाला आहे.
Dombivli Crime : सांस्कृतिक डोंबिवली शहरात महिलांच्या सुरक्षेचा प्रश्न, 22 वर्षीय तरुणीवर सामूहिक अत्याचार, चिमुकलीचाही विनयभंग
परिसरात शोककळा
राहुल जगताप हे माळेगाव परिसरात ‘पप्पू’ या नावाने परिचित होते. केबल व्यवसायाच्या निमित्ताने त्यांचा अनेक घरांशी जवळचा संबंध होता. त्यांच्या मनमिळावू स्वभावामुळे परिसरात त्यांची चांगली ओळख होती. त्यांच्या निधनाची बातमी समजताच माळेगावमध्ये शोककळा पसरली आहे. त्यांच्या पश्चात पत्नी, मुलगा, वडील, भाऊ आणि वहिनी असा मोठा परिवार आहे. घराचा कर्ता पुरुष गेल्याने जगताप कुटुंबावर दुःखाचा डोंगर कोसळला आहे.
याप्रकरणी युवराज सदाशिव जेधे यांनी माळेगाव पोलीस ठाण्यात माहिती दिली असून, पोलिसांनी या घटनेची आकस्मिक मृत्यू म्हणून नोंद केली आहे. पोलीस या प्रकरणाचा अधिक तपास करत आहेत. अवकाळी पाऊस आणि वीजेच्या उघड्या तारांमुळे होणारे अपघात रोखण्यासाठी उपाययोजना करण्याची मागणी आता स्थानिक नागरिकांकडून केली जात आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा