केसरकरांचे विधान ‘बालिश आणि हास्यास्पद’

सुषमा अंधारे म्हणाल्या की, “केसरकर म्हणतात माझ्याविरोधात कट केला जात आहे, हे मला बालिश आणि हास्यास्पद वाटते. केसरकर स्वतःला उपमुख्यमंत्री एकनाथ शिंदेंचे विश्वासार्ह व्यक्ती मानतात आणि म्हणूनच त्यांना टार्गेट केले जात असल्याचा त्यांचा दावा आहे. मात्र, जर तुम्ही खरोखरच इतके विश्वासार्ह असता, तर आज तुम्ही मंत्रिमंडळात असता,” असा टोला त्यांनी लगावला.

भांडाफोड’ करण्याचे अंधारेंचे आव्हान

केसरकरांच्या चौकशीच्या विधानावर बोलताना अंधारे यांनी त्यांना थेट आव्हान दिले. “केसरकर म्हणतात की माझी चौकशी का करायची? नाहीतर मी सर्वांचा भांडाफोड करेन. मी त्यांना आवाहन करते की, त्यांनी एकदाचा तो भांडाफोड करावाच. जी काही ३९ नावे असतील ती समोर येऊ द्या. त्यात जे कोणी ८-९ मंत्री, पोलीस किंवा प्रशासकीय अधिकारी असतील, त्यांची नावे जाहीर करा,” असे त्यांनी स्पष्ट केले.

NCP Merger : महाराष्ट्राच्या राजकाणात पुन्हा दोन्ही राष्ट्रवादींच्या एकत्र येण्याची चर्चा, नेमकं घडलं काय? वाचा A टू Z

कोण आहे ‘पिवळ्या शर्ट’मधला व्यक्ती?

अंधारे यांनी केसरकरांच्या फोटोंचा संदर्भ देत एका व्यक्तीवर प्रश्नचिन्ह उपस्थित केले. त्या म्हणाल्या, “मी परवा त्यांचा एक फोटो दाखवला होता, ज्यामध्ये एका पिवळा शर्ट घातलेल्या व्यक्तीला मी सर्कल केले आहे. हा माणूस केसरकरांसोबत नेमका काय करतोय, याचे उत्तर त्यांनी द्यायला हवे. तो माणूस फक्त एका फोटोत नाही, तर अनेक महत्त्वाच्या बैठकांच्या फोटोंमध्येही दिसतो. रूपाली चाकणकर यांच्यासोबतच्या फोटोंमध्येही तो पाद्यपूजा करताना दिसतो, तर कधी खरातच्या बाजूला दिसतो. हा माणूस सर्वच ठिकाणी का दिसतो?”

‘ब्लॅक टू व्हाईट’चे आरोप

या व्यक्तीची ओळख पटवून देताना अंधारे यांनी सांगितले की, “हा व्यक्ती नामकर्ण एकनाथ आवारे असून तो ‘जगदंब’ पतसंस्थेचा प्रमुख आहे. स्टाईस असोसिएशनशीही त्याचा संबंध आहे. मी जेवढी स्थानिकांकडून माहिती घेतली त्यानुसार हा व्यक्ती अनेक बड्या नेत्यांचे, अधिकाऱ्यांचे आणि लोकांचे ‘ब्लॅक मनी’ व्हाईट करण्याचे काम करतो. याचा तपास पोलिसांनी केला पाहिजे.”

Ashok Kharat Case : अशोक खरातचे 300 व्हिडीओ पोलिसांच्या हाती, एसआयटीचे तीन संस्थांना पत्र, भोंदू बाबाची संपूर्ण ‘कुंडली’ बाहेर येणार

‘ये रिश्ता क्या कहलाता है?’

पुढे, अंधारे म्हणाल्या की, “केसरकर, तुमचे काम शालेय शिक्षणमंत्री म्हणून आहे, मग हा पतसंस्थेचा माणूस तुमच्यासोबत वारंवार का दिसतो? तुमच्याकडे जर ४० लोकांची माहिती आहे आणि ती तुम्ही दडवून ठेवत असाल, तर तो गुन्हा आहे. या नामकर्ण आवारेशी तुमचे नेमके नाते काय? ‘ये रिश्ता क्या कहलाता है’ हे आता जनतेसमोर आलेच पाहिजे.”