Orange Gate-Marine Drive Twin Tunnels: एमएमआरडीएने शहरातील ऑरेंज गेट ते मरिन ड्राइव्हदरम्यान सुरू असलेल्या भुयारी बोगद्यांच्या कामामध्ये एक महत्त्वाचा टप्पा पूर्ण केला आहे. मुख्य बोगद्याच्या खोदकामाला सुरूवात झाली असून 50 ते 52 महिन्यांत मार्ग तयार होण्याची अपेक्षा आहे.
70 मीटर खोदकाम पूर्ण
मुंबई महानगर प्रदेश विकास प्रधिकरणाकडून ऑरेंज गेट ते मरिन ड्राइव्हदरम्यान भुयारी जुळ्या बोगद्यांचं खोदकाम सुरू आहे. तांत्रिकदृष्ट्या सर्वाधिक जटिल असलेल्या या बोगद्यासाठी स्लरी शील्ड टनेल बोरिंग मशीन वापरण्यात येत आहे. देशात बोगद्यांच्या खोदकामासाठी वापरल्या जाणाऱ्या मशीनींपैकी हे सर्वात मोठं मशीन आहे. मुख्य बोगद्याच्या खोदकामासाठी या मशीनला 26 मार्च रोजी मरिन ड्राइव्ह येथे निर्माण केलेल्या शाफ्टमध्ये उतरवण्यात आले. त्यानंतर 3,720 पैकी 70 मीटर खोदकाम काही दिवसांतच पूर्ण झालं आहे.
या प्रकल्पामध्ये शहरांत 7 किमी लांब भुयारी बोगदे तयार करण्यात येणार आहेत. पहिला बोगदा3.45 किमी लांब असून जमिनीखाली 52 मीटर खोल असेल. मुंबईतील मध्य रेल्वे, पश्चिम रेल्वेसह भुयारी मेट्रोच्या खालून हा मार्ग जाणार आहे. त्यामुळे या मार्गांसाठी खोदकाम करणं कठीण ठरत आहे. या मार्गामुळे ऑरेंज गेट ते मरिन ड्राइव्ह अंतर 5 मिनिटांत पार होणार आहे. तसेच, मुंबईच्या पूर्व-पश्चिम परिसरांना थेट जोडणी देणार असून कोस्टल रोड आणि अटल सेतूलाही जोडणार आहे.
कधी होणार काम पूर्ण ?
यामुळे दक्षिण मुंबईतील प्रवासाचा वेळ लक्षणीयरित्या कमी होणार असून इंधनाची सुद्धा बचत होणार आहे. तसेच, प्रदूषणाची पातळीही कमी होण्यास मोठी मदत होणार आहे. डिसेंबरमध्ये टीबीएम लाँच केल्यानंतर जानेवारी महिन्यात सर्व यूनिट जोडण्यात आले होते. त्यानंतर Initial Drive ला सुरुवात करून तात्पुरती रिंग उभारण्यात आली होती. ही सुरुवातीची ड्राइव्ह जानेवारी महिन्यात संपवून फेब्रुवारीमध्ये मुख्य ड्राइव्हला सुरुवात झाली.
Pune PMP Bus: पुण्यात ‘पीएमपी बस’च्या ॲपमुळे तिकीट बुकिंग सोपं, 1 एप्रिलपासून प्रशासनाचा उपक्रम; काय आहेत वैशिष्ट्ये?
डिसेंबरमध्ये खोदकाम सुरू करताना 54 महिन्यांत काम पूर्ण होईल अशी माहिती देण्यात आली होती. त्यामुळे पुढील काही वर्ष या प्रकल्पाची वाट पहावी लागणार आहे. इतकी दाट लोकवस्ती असलेल्या मार्गाखाली पहिल्यांदाच भुयारी मार्ग या शहरांत उभारला जात आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा