नेमकी घटना काय?

पोलिसांनी दिलेल्या माहितीनुसार, हा प्रकार नोव्हेंबर २०२२ ते डिसेंबर २०२५ या प्रदीर्घ कालावधीत कॅनडा कॉर्नर येथील ‘ओकस प्रॉपर्टीज’च्या कार्यालयात घडला. संशयित आरोपी खरातने पीडित महिलेचा धार्मिक विश्वास संपादन केला होता. त्यानंतर तिला मंत्र-तंत्राच्या विधीसाठी बोलावून गुंगीकारक पदार्थ मिश्रित पाणी दिले. महिला संमोहित अवस्थेत असताना, तिला तिच्या पतीच्या मृत्यूची भीती दाखवून आणि आयुष्य उद्ध्वस्त करण्याची धमकी देऊन तिच्यावर वारंवार अत्याचार केल्याचा आरोप फिर्यादीत करण्यात आला आहे.

Sangli News : सांगली झेडपीमध्ये 34 मतांनी गेम फिरला, महाविकास आघाडीचा झेंडा फडकला, अध्यक्ष-उपाध्यक्ष दोन्ही पदांवर कब्जा

अघोरी प्रथा आणि कायदेशीर कारवाई

पीडित महिलेने दिलेल्या तक्रारीनंतर नाशिकच्या सरकारवाडा पोलीस ठाण्यात गुन्हा दाखल करण्यात आला आहे. पोलिसांनी आरोपीविरुद्ध भारतीय न्याय संहितेच्या कलम ६४(१), ७४, ३५२, ३५१(१) सह अत्यंत कडक अशा ‘महाराष्ट्र नरबळी आणि इतर अमानुष, अघोरी प्रथा व जादूटोणा प्रतिबंधक अधिनियमा’ अंतर्गत गुन्हे नोंदवले आहेत.

राजकीय कनेक्शनमुळे चर्चेला उधाण

अशोक खरात उर्फ ‘कॅप्टन’ हा केवळ ज्योतिष क्षेत्रातच नव्हे, तर राजकीय वर्तुळातही परिचित असल्याचे समोर येत आहे. त्याचे अनेक बड्या राजकीय नेत्यांसोबत निकटचे संबंध असल्याची चर्चा सध्या नाशिकमध्ये रंगली आहे. त्यामुळे या सात दिवसांच्या पोलीस कोठडीत आरोपीकडून नेमकी काय माहिती समोर येते आणि या प्रकरणात आणखी कोणाची नावे उघड होतात, याकडे सर्वांचे लक्ष लागले आहे.

पोलीस या प्रकरणाचा सखोल तपास करत असून, आणखी काही महिलांची फसवणूक झाली आहे का, याचाही शोध घेतला जात आहे.