सीडीआर व टॉवर लोकेशनच्या सीडीच्या प्रती आरोपीस मिळाव्यात यासाठी मागील तारखेस आरोपी मनीषा मुसळे माने यांचे वकील ऍड प्रशांत नवगिरे यांनी कोर्टात मागणी केली होती. हा अर्ज प्रमुख जिल्हा व सत्र न्यायाधीश मनोज शर्मा यांनी मंजूर करत सीडीच्या प्रती देण्याचा आदेश सरकार पक्षास दिला होता.

नेमके कारण दहा महिन्यानंतरही गुलदस्त्यातच

मोबाईल लोकेशनच्या सीडीच्या प्रती सोमवारी मिळण्याची अपेक्षा आहे. यापूर्वीच साक्षीदार पी. राऊत व आर. राऊत यांचे मोबाइल सीडीआर व टॉवर लोकेशन याची कागदपत्रे व माहिती आरोपी पक्षाला देण्यात आली आहे.

प्रसिद्ध न्युरोफिजिशियन डॉ. शिरीष वळसंगकर यांनी १८ एप्रिल २०२५ रोजी रात्री पावणेनऊ वाजताच्या सुमारास राहत्या घरी गोळी झाडून आयुष्य संपवलं होतं. १० महिन्यानंतरही त्यांच्या आत्महत्येचे नेमके कारण समोर आलेलं नाही.
Crime News : स्वतःला वाचवताना टॅक्सी चालकाचा जीव घेतला, बॉडी पुण्यात टाकली; इंजिनिअरिंगच्या विद्यार्थ्याला टिटवाळ्यात अटक

पाच दिवस आधी एका नंबरवरून वारंवार संभाषण

१३ एप्रिल २०२५ रोजी ४ वेळा व १५ एप्रिल रोजी ८ वेळा डॉ. शिरीष व अन्य एका मोबाइल नंबर यांच्यात संभाषण झाल्याचे मोबाइल सीडीआरमध्ये दिसून आले आहे. १८ एप्रिल २०२५ रोजी दवाखान्यातून घरी आलेले डॉक्टर वळसंगकर खूप वेळ सोलापुरातील घरामधील बेडरुममध्ये एकटेच होते. पंचनामा करताना त्यांच्या बाथरूममध्ये सिगारेटची १८ थोटके पोलिसांना आढळली होती. ज्या पिस्टलमधून डॉक्टरांनी स्वतःवर गोळ्या झाडल्या, ती बंदुक त्यांच्या बेडरुममधील कपाटातून जप्त केल्याचे पोलिसांच्या पंचनाम्यात नमूद आहे.
Nashik Crime : डॉ. मनीषा जेजुरकरांनी जीव दिला, मानसोपचार तज्ज्ञ नवऱ्यावर गुन्हा, डॉक्टर महिलेशी जवळीक असल्याचा आरोप

मराठीतून शेवटची चिठ्ठी, मनीषा मुसळे मानेवर गुन्हा

डॉ वळसंगकर यांनी जीव दिल्यानंतर पोलीस तपास करताना त्यांच्या खिशात मराठीतून लिहिलेली शेवटची नोट सापडली. त्यावरुन डॉ. शिरीष यांचे चिरंजीव डॉ. अश्विन यांनी पोलिसांत फिर्याद दिली. रुग्णालयाच्या कर्मचारी मनीषा मुसळे माने यांना सदर बझार पोलिसांनी अटक केली होती. गुन्ह्याचा तपास करून तब्बल ७२० पानांचे दोषारोपपत्र न्यायालयात सादर केले आहे.