भाजपकडून स्वीकृत नगरसेवकपदासाठी सात नावे निश्चित

1. निलेश कोंढाळकर
2. प्रियंका शेंडगे
3. विश्वास ननावरे
4. राजेंद्र काकडे
5. रवि साळेगावकर
6. जयप्रकाश पुरोहित
7. उदय लेले

राष्ट्रवादीकडून कोणते स्वीकृत नगरसेवक?

राकेश कामठे – राष्ट्रवादी विद्यार्थी काँग्रेस
दत्तात्रय धनकवडे- माजी महापौर

स्वीकृत नगरसेवकपदासाठी कशी असते प्रक्रिया?

महाराष्ट्र महापालिका अधिनियम, 1949 मधील कलम 5 (2) नुसार स्वीकृत नगरसेवक निवडीसाठी पात्रतेचे निकष आणि निवड प्रक्रिया काय असावी नमूद केली आहे. त्यानुसार महापालिका आयुक्तांनी निवडून आलेल्या पक्षांच्या संख्याबळानुसार गटनेत्यांशी चर्चा करून स्वीकृत सदस्यांची नावे निश्चित करायची असतात. राजकीय पक्षांकडून नावांची शिफारस केल्यावर नावांसंदर्भात महापालिका आयुक्त महापौर आणि इतर गटनेत्यांशी चर्चा करतात. मान्यतेसाठी ही नावे सभागृहासमोर ठेवली जातात. आयुक्तांकडून आलेल्या या नावांपैकी एखादे नाव फेटाळण्याचा अधिकार सभागृहाला असतो. फेटाळल्यास त्याचे कारणही सांगावे लागते. मात्र, या कायद्यात 2012,2021 व 2023 मध्ये कायद्यात सुधारणा झाल्यानंतर डॉक्टर, वकील आणि सनदी लेखापालांना (सीए) कोणत्याही राजकीय शिफारशीव्यतिरिक्त थेट आयुक्तांकडे अर्ज करता येतो. याशिवाय काही निकष पूर्ण करणाऱ्या स्वयंसेवी संस्थांचे प्रतिनिधीही अर्ज करू शकतात. त्यामुळे आयुक्तांकडे थेट अर्ज दाखल झाले आहेत. या अर्जांची संख्या सातशे ते आठशे दरम्यान आहे. या अर्जदारांनी केलेले अर्ज नाकारले गेल्यास ते का नाकारले याचे उत्तरही आयुक्तांना द्यावे लागते, असा दावा अर्जदारांनी केला आहे.