निलेश घायवाळ कनेक्शन; जुना वाद पुन्हा ऐरणीवर

सागर मोहोळकर हे नाव चर्चेत आलं ते एका धाडसी आणि वादग्रस्त घटनेमुळे. पुण्यातील कुख्यात गुंड निलेश घायवाळ याच्या कानशिलात लगावल्याची घटना गुन्हेगारी जगतात खळबळ उडवणारी ठरली होती. 11 एप्रिल 2025 रोजी धाराशिव जिल्ह्यातील आंदरुड येथील यात्रेत भर मैदानात ही घटना घडली होती. त्या दिवसापासून मोहोळकर अनेकांच्या निशाण्यावर असल्याची चर्चा होती. त्यामुळे अलीकडील गोळीबार हा त्या गँगवॉरचाच पुढचा अध्याय आहे का? असा संशय व्यक्त केला जात आहे. स्थानिक गुन्हेगारी टोळ्यांचा किंवा घायवाळ गटाचा हात असण्याची शक्यता पोलीस तपासत आहेत.
Nagpur Purvesh Duragkar : भारतीय वायुसेनेचं लढाऊ सुखोई विमान कोसळलं, महाराष्ट्राचे सुपुत्र फ्लाइट लेफ्टनंट पूर्वेश दुरुगकर शहीद

दोन दिवसांपूर्वीच वडिलांची तक्रार

या प्रकरणाला खरा धक्का बसला तो नव्या माहितीनंतर. गोळीबाराच्या अवघ्या दोन दिवसांपूर्वीच सागर मोहोळकरच्या वडिलांनी जामखेड पोलीस ठाणे येथे त्याच्याविरोधात अदखलपात्र गुन्हा दाखल केला होता. तक्रारीत ‘मुलगा मारहाण करतो’, असा आरोप करण्यात आला होता. त्यानंतरच सागरवर सात राउंड फायर करण्यात आले. म्हणूनच आता प्रश्न उपस्थित होतोय की, हा हल्ला गँगवॉरचा बदला? की कौटुंबिक वादातून कोणी साधला सूड? की दोन्ही घटनांचा काही खोलवर संबंध आहे? असे प्रश्न निर्माण होत आहेत.

गुन्हेगारीचा काळा इतिहास

सागर मोहोळकर हा केवळ पैलवान नाही, तर गुन्हेगारी क्षेत्रातील पक्का खेळाडू म्हणून ओळखला जातो. त्याच्यावर हत्येचे दोन गुन्हे दाखल आहे. तुरुंगात असतानाही आणखी एका कैद्याची हत्या केल्याची माहिती समोर आली आहे. स्थानिक पातळीवरील अनेक वाद, हाणामाऱ्या आणि दहशत या सगळ्या पार्श्वभूमीमुळे त्याच्यावरचा हल्ला हा जुन्या वैरातूनच झाला असावा, असा प्राथमिक अंदाज पोलिसांकडून वर्तवला जात आहे.
Crime News : कॉलेज विद्यार्थिनीच्या खोलीतच 25 वर्षीय बँक कर्मचाऱ्याने जीव दिला, तरुणीचा आरडाओरडा, निंबाळकर कुटुंब शोकसागरात

जामखेडमध्ये भीतीचं सावट

गोळीबाराच्या घटनेनंतर जामखेडमध्ये भीतीचं वातावरण निर्माण झालं आहे. सात राउंड फायर, चार गोळ्या अंगात आणि तरीही सागर बचावला, ही बाबही चर्चेचा विषय ठरली आहे. गुन्हेगारी टोळ्यांमधील वैर, वैयक्तिक राग की कौटुंबिक कट? या प्रश्नांची उत्तरं तपासानंतरच स्पष्ट होतील. पोलीस सर्व शक्य कोनातून तपास करत असून सीसीटीव्ही फुटेज, मोबाईल लोकेशन आणि जुने गुन्हेगारी रेकॉर्ड तपासत आहेत. सागर मोहोळकर प्रकरण आता केवळ गोळीबारापुरतं मर्यादित राहिलेलं नाही तर ते जामखेडच्या गुन्हेगारी विश्वातील सत्तासंघर्षाचं प्रतीक बनलं आहे.