कोण आहेत ज्योती वाघमारे?

सोलापूरच्या सामाजिक आणि राजकीय क्षेत्रातील अभ्यासू आणि आक्रमक व्यक्तिमत्व म्हणून डॉ. ज्योती वाघमारे यांची ओळख निर्माण केली आहे. उच्च शिक्षणाच्या जोरावर समाजकारणात ठसा उमटवणाऱ्या वाघमारे या शिवसेना पक्षाच्या मुख्य प्रवक्त्या म्हणून महाराष्ट्राच्या कानाकोपऱ्यात पोहोचल्या आहेत.

पीएचडी होल्डर, पाच भाषांवर प्रभुत्व

दहावीत 84 टक्के गुण मिळवल्यानंतर ज्योती वाघमारे यांनी बारावीत पुणे विभागातून मागासवर्गीय विद्यार्थ्यांमध्ये प्रथम येण्याचा मान पटकावला होता. इंग्रजी साहित्यात पीएचडी मिळवलेल्या ज्योती वाघमारे यांना महिलांच्या प्रश्नांवरील संशोधनासाठी राज्यस्तरीय पुरस्कारही मिळाला आहे. त्यांचं मराठी, हिंदी, इंग्रजी यासह तेलगू आणि कन्नड अशा पाच भाषांवर प्रभुत्व आहे.
NCP Merger : दोन्ही पक्षांच्या भावना समजून घेणारा नेताच उरला नाही, राष्ट्रवादीच्या विलीनीकरणाला पूर्णविराम, जयंत पाटलांचं सूतोवाच
अधिव्याख्याता म्हणून दहा वर्षांहून अधिक काळ कामाचा अनुभव असलेल्या ज्योती वाघमारेंनी आपल्या कार्याची सुरुवात मानवी हक्क अभियान, विद्रोही सांस्कृतिक चळवळ आणि आंबेडकरी चळवळीतून केली. काही काळ त्यांनी वृत्त निवेदिका म्हणूनही काम केलं आहे.. डॉ. बाबासाहेब आंबेडकर, छत्रपती शिवाजी महाराज आणि महात्मा बसवेश्वर यांचे विचार जनमानसापर्यंत पोहचवण्यासाठी त्यांनी महाराष्ट्र, कर्नाटक आणि आंध्र प्रदेशातही व्याख्यानं दिली आहेत.
Nitish Kumar : बिहारमधील नव्या सरकारला माझा पाठिंबा; नितीश कुमार राज्यसभेवर, मुख्यमंत्रिपदावरुन पायउतार होण्याचे संकेत

वडिलांकडून सामाजिक कार्याचा वारसा

ज्योती वाघमारे यांचे वडील नागनाथ वाघमारे हे दलित पँथरचे सक्रिय कार्यकर्ते होते. कुटुंबाचा उदरनिर्वाह करण्यासाठी त्यांनी हॉटेलमध्ये वेटर आणि बांधकाम मजूर म्हणूनही काम केलं आहे. त्यांच्या सामाजिक कार्याची दखल घेत सोलापूरच्या जनतेने त्यांना नगरसेवक म्हणून निवडून दिलं होतं. वडिलांच्या सामाजिक कार्याचा वारसा ज्योती वाघमारेंनी पुढे चालवला.