नेमकं काय घडलं?

मृत तरुण हा रात्री जेवण करून आपल्या घरी परतत असताना काही संशयितांनी त्याला अडवलं. जुन्या आर्थिक व्यवहारावरून दोन्ही बाजूंमध्ये आधी शाब्दिक वाद सुरू झाला. काही क्षणांतच हा वाद हाणामारीत परिवर्तित झाला. याच दरम्यान एका आरोपीने धारदार चाकू काढून तरुणाच्या डोक्यावर आणि छातीवर वार केल्याची माहिती समोर येत आहे. हल्ल्यानंतर गंभीर जखमी झालेल्या तरुणाला तातडीने जवळच्या रुग्णालयात हलवण्यात आलं. मात्र, डॉक्टरांनी तपासणी केल्यानंतर त्याला मृत घोषित केलं. या घटनेमुळे नातेवाईकांनी रुग्णालयात एकच आक्रोश केला.
London Fire : आगीत स्वप्नांची घुसमट, सरकारी कर्मचाऱ्याच्या MBA मुलाचा लंडनमध्ये दुःखद शेवट, राहत्या घरातच मृत्यूने गाठलं

‘आज पैसे दिले नाही, तर…’

प्राथमिक तपासात जुन्या पैशांच्या व्यवहारातून हा वाद चिघळल्याचं निष्पन्न झालं आहे. ‘आज पैसे दिले नाही, तर जिवंत सोडणार नाही,’ अशी धमकी देत संशयितांनी हल्ला केल्याची माहिती पोलीस सूत्रांकडून मिळत आहे. या प्रकरणी संबंधित पोलीस ठाण्यात हत्येचा गुन्हा दाखल करण्यात आला आहे. पोलिसांनी तात्काळ कारवाई करत तिघांना अटक केली असून आणखी काही संशयितांचा शोध सुरू आहे. घटनास्थळाचा पंचनामा करून सीसीटीव्ही फुटेज तपासले जात आहे.दरम्यान, घटनेनंतर काही काळ परिसरात तणावाचे वातावरण निर्माण झालं होतं. पोलिसांनी अतिरिक्त बंदोबस्त ठेवत परिस्थिती नियंत्रणात आणली. पुढील तपास वरिष्ठ अधिकाऱ्यांच्या मार्गदर्शनाखाली सुरू आहे. ही घटना पुन्हा एकदा शहरातील वाढत्या गुन्हेगारीकडे लक्ष वेधत असून नागरिकांमध्ये भीतीचं वातावरण निर्माण झालं आहे.
Pune Crime : मावळच्या पोल्ट्री फार्मवर नोकरी, घरी सांगितलं चेन्नईतील आयटी कंपनीत जॉब; पुण्यात 25 वर्षीय तरुणाची बॉडी सापडली

व्यावसायिकाने पत्नीला संपवलं

आर्थिक कर्जाचा डोंगर, कौटुंबिक तणाव आणि संशयाच्या छायेत अखेर एक मोठी घटना उघडकीस आली आहे. गुन्हा उघडकीस आला आहे. खडकी परिसरातील चिकळवाडी येथे 56 वर्षीय रिअल इस्टेट व्यावसायिकाने पत्नीचा उशीने तोंड दाबून हत्या केल्याची घटना समोर आली आहे.