वेळापत्रक पाहा

शिमग्यासाठी मुंबई, ठाण्यावरून अनेक नागरिक कोकणात जातात. यामुळे रेल्वे गाड्यांचं बुकिंग मिळणं कठीण होतं. अशा वेळी अनारक्षित रेल्वे सेवा सुरू केल्यामुळे नागरिकांना दिलासा मिळणार आहे. ही मेमू गाडी क्रमांक 01159 ही रात्री 11 वाजून 25 मिनिटांनी दिवा स्थानकातून सुटेल आणि दुसऱ्या दिवशी सकाळी 6 वाजून 30 मिनिटांनी चिपळूण येथे पोहोचेल. तर गाडी क्रमांक 01160 ही दुपारी 3 वाजून 30 मिनिटांनी चिपळूणहून सुटून रात्री 11:10 वाजता दिवा येथे पोहोचेल.Karjat-Panvel Railway: कर्जत-पनवेल थेट लोकलने प्रवास, डोंगरातून बोगदा तयार; 29 किमी लांब मार्गिकेने 30 मिनिटांत होणार अंतर पार

अनारक्षित मेमू गाडीला असे असतील थांबे

या गाडीला दिवा, निळजे, तळोजे, कळंबोली, पनवेल, सोमटणे, आपटा, जिते, पेण, कासू, नागोठणे, रोहा, कोलाड, इंदापूर, माणगाव, गोरेगाव रोड, वीर, सापे वामने, करंजाडी, विन्हेरे, दिवाणखवटी, कळंबणी बुद्रुक, खेड, अंजनी आणि चिपळूण अशा अनेक स्थानकांवर थांबा देण्यात आला आहे.

या अनारक्षित गाडीमुळे मुंबईतून कोकणात जाणाऱ्या भक्तांचा प्रवासाचा ताण काहीसा कमी होणार आहे. दरम्यान, रेल्वे प्रशासनाने लोकमान्य टिळक टर्मिनस (LTT) ते मडगाव जंक्शनदरम्यान विशेष गाड्या सुरू करण्याचा निर्णय घेतला आहे.

Nashik-Akkalkot Highway: नाशिक-अक्कलकोट महामार्गाला गती! 30 गावांमधून जाणार रस्ता; कसा असेल 374 किमी लांब मार्ग?

मडगाव ते एलचटीटीदरम्यान गाडी

ट्रेन क्रमांक 01004 मडगाव जंक्शन ते लोकमान्य टिळक टर्मिनस स्पेशल असून ही मडगाववरून दुपारी 4.30 वाजता सुटून दुसऱ्या दिवशी सकाळी 6.20 ला लोकमान्य टिळक टर्मिनसवर पोहचेल. ही ट्रेन 1 ते 8 मार्चदरम्यान धावणार आहे. शिवाय गाडी क्रमांक 01003 लोकमान्य टिळक टर्मिनस ते मडगाव जंक्शनदरम्यान विशेष रेल्वे सुरु होणार आहे. ही गाडी 2 मार्च ते 8 मार्चदरम्यान रोज सकाळी 8.20 ला LTTवरून सुटून त्याच दिवशी रात्री 22.40 ला मडगाव जंक्शनला पोहचेल.